కళ్లెదుటే మరణహోమం.. సైరన్లతో వణుకు.. ఇటలీలో టాలీవుడ్ సింగర్ పరిస్థితి దారుణం

ఇటలీలో విలయతాండవం

ఇటలీ దేశంలో కరోనావైరస్ విలయతాండవం చేస్తున్నది. దాదాపు 8 వేలకుపైగా పౌరులు ప్రాణాలు కోల్పోయారు. దినదినం అక్కడ పరిస్థితి దారుణంగా మారుతున్నది. ఇటలీ పరిస్థితులు చేజారుతున్న సమయంలో స్వీయ నిర్భంధాన్ని ప్రకటించుకొని శ్వేతా పండిట్ బిక్కు బిక్కుమంటూ కాలం వెళ్లదీస్తున్నారు.

కరోనావైరస్‌తో దారుణంగా

తాజాగా తన ఇన్స్‌టాగ్రామ్ అకౌంట్‌లో శ్వేత పండిట్.. ప్రపంచాన్ని కరోనావైరస్ ఎంత దారుణమైన పరిస్థితులను కల్పించిందో మీకు తెలిసింబదే. భారత్‌లో కూడా లాక్‌డౌన్ కొనసాగుతుందని తెలుసు. అయితే ఇటలీలోని పరిస్థితులు మాత్రం భయంకరంగా ఉన్నాయి. ప్రపంచంలో భారీగా ఎఫెక్ట్ అయిన దేశంగా ఇటలీ మొదటి స్థానంలో ఉంది అని శ్వేత తెలిపారు.

కళ్లెదుటే మరణాలు

ప్రతీ రోజు ఉదయమే అంబులెన్స్‌ల సైరన్లతో నిద్రలేస్తున్నాను. కళ్లేదుటే మరణాలు సంభవిస్తున్నాయి. ఇదంతా వాస్తవం. నా ఆరోగ్యం గురించి పలు దేశాల నుంచి కాల్ చేసి వాకబు చేస్తున్నారు. నా స్నేహితులు, సన్నిహితులు, కుటుంబ సభ్యుల ప్రేమ వల్లనే నేను సురక్షితంగా ఉన్నా.

కరోనావైరస్‌పై వీర సైనికుల్లా పోరాటం

కరోనా వైరస్‌ను తుద ముట్టించేందుకు ప్రతీ ఒక్కరు వీర సైనికుల్లా పూనుకోవాలి. ప్రాణాంతక వ్యాధిని మనమంతా ఓడించాలి. ఇంటి వద్దనే ఉండండి. మీ చేతులను జాగ్రత్తగా వాష్ చేసుకోండి. దూరంగా ఉంటి మీ కుటుంబ సభ్యులతో మాట్లాడండి. ఫ్రెండ్స్‌తో వీడియో కాల్‌లో మాట్లాడండి. పాటలు వింటూ, సినిమాలు చూస్తూ వినోదించండి అని శ్వేత పండిట్ చెప్పారు.

Recommended Video

Watch : Rocking Star Yash Playing With Her Daughter

శ్వేత పండిట్ వ్యక్తిగత, ప్రొఫెషనల్ జీవితం

శ్వేత పండిట్ విషయానికి వస్తే.. బాలీవుడ్, టాలీవుడ్‌లో తన పాటలతో ఆకట్టుకొన్నారు. పద్మ విభూషణ్ పండి జస్రాజ్‌ మేనకోడలు. తెలుగులో సర్దార్ గబ్బర్ సింగ్, మహానుభావుడు, ఓం నమో వెంకటేశయ:, సైజ్ జీరో, ముకుంద, సీతమ్మ వాకిట్లో సిరిమల్లె చెట్టు, దమ్ము, హిందీలో సత్య 2, జంజీర్, హైవే, యమ్లా పగ్లా దీవానా, సర్కార్ రాజ్, వర్మ కి ఆగ్, కభీ అల్విదా నా కహనా చిత్రాలతోపాటు మరో 100పైగా సినిమాల్లో పాటలు పాడారు. ప్రస్తుతం ఇటలీలో ఉంటున్నారు.