2017: అన్నయ్యతో ఎన్టీఆర్ అనుబంధం మరింత బలపడింది!

2017 సంవత్సరంలో తెలుగు సినీ స్టార్ ఎన్టీఆర్ గురించి మాట్లాడుకోవాల్సి వస్తే...... 'జై లవ కుశ' సినిమా గురించే మాట్లాడుకోవాలి. ఈ ఏడాది ఎన్టీఆర్ నటించిన ఈ చిత్రం బాక్సాఫీసు వద్ద మంచి విజయం అందుకుంది. ఈ సినిమా కంటే ముఖ్యంగా ఎన్టీఆర్, అతడి సోదరుడు కళ్యాణ్ రామ్ మధ్య అనుబంధం మరింత బలపడిన సంవత్సరంగా చెప్పుకోవచ్చు. ఎన్టీఆర్ ద్విపాత్రాభినయం చేసిన ఈ చిత్రాన్ని కళ్యాణ్ రామ్ నిర్మించిన సంగతి తెలిసిందే.

Recommended Video

ఈ సినిమాను ఎన్టీఆర్, కళ్యాణ్ రామ్ ఎంతో ప్రతిష్టాత్మకంగా తెరకెక్కించారు. అన్నదమ్ముల అనుబంధం కథా నేపథ్యంలో తెరకెక్కిన ఈచిత్రంలో ఎన్టీఆర్ తన నటనలోని సరికొత్త కోణాన్ని చూపించారు. ఇక ఈ సినిమాకు సంబంధించిన ట్రైలర్, టీజర్ లాంటివి సరికొత్త రికార్డులు క్రియేట్ చేసి తెలుగు సినీ ప్రేక్షకులను ఆశ్చర్య పరిచాయి. ఎన్టీఆర్ తన తర్వాతి సినిమా ప్రముఖ దర్శకుడు త్రివిక్రమ్ శ్రీనివాస్‌తో చేయనున్నారు.