మేము సైతం: హీరోయిన్స్ డాన్స్ ప్రాక్టీస్ (ఫోటోస్)

By Bojja Kumar

Published: Friday, November 28, 2014, 14:02 [IST]

హైదరాబాద్: హుధూద్ తుఫాన్ బాధితులను ఆదుకునేందుకు తెలుగు సినిమా పరిశ్రమ మొత్తం కలిసి ఈ నెల 30 ‘మేము సైతం' పేరుతో భారీ కార్యక్రమం నిర్వహిస్తున్న సంగతి తెలిసిందే. తెలుగు సినిమా పరిశ్రమకు చెందిన స్టార్స్ వివిధ రకాల కామెడీ స్కిట్లు, డాన్స్ షోలు, అంత్యాక్షరి, ఇతర వినోద కార్యక్రమాలతో అలరించబోతున్నారు.

ఈ కార్యక్రమంలో నందమూరి నటసింహం బాలయ్య రెండు సాంగులకు పాట పాడబోతున్నట్లు తెలుస్తోంది. మ్యూజిక్ డైరెక్టర్ కోటి అండ్ బ్యాండ్‌తో కలిసి బాలయ్య తన సింగింగ్ టాలెంట్ ప్రదర్శించబోతున్నారు. బాలయ్యతో పాటు ఇతర హీరోలు ఎవరికి తోచిన విధంగా వారు వివిధ వినోద కార్యక్రమాల్లో పాల్గొన బోతున్నారు.

వెంకటేష్, బ్రహ్మానందం, అలీ కాజల్ కలిసి ‘పెళ్లి కాని ప్రసాద్' పేరుతో స్కిట్ చేయబోతున్నట్లు తెలుస్తోంది. ఈ స్కిట్ ప్రేక్షకులను కుడుపు చెక్కలయ్యేలా నవ్విస్తుందని అంటున్నారు. మహేష్ బాబు, త్రివిక్రమ్, పవన్ కళ్యాన్ కలిసి చేసే స్కిట్ ప్రధాన ఆకర్షణగా నిలవనుంది. అదే విధంగా ప్రభాస్, రానా, అనుష్క, రాజమౌళి కలిసి మరో స్కిట్ చేస్తున్నారు. మంచు విష్ణు, మనోజ్ రెండు టీములుగా విడిపోయి కబడ్డీ ఆడుతున్నారు అని సురేష్ బాబు తెలిపారు. క్రికెట్ మ్యాచ్ విషయానికొస్తే..... స్టార్స్ అంతా మొత్తం నాలుగు జట్లుగా ఏర్పడనున్నారు. ఈ జట్లకు వెంకటేష్, నాగార్జున, జూ ఎన్టీఆర్, రామ్ చరణ్ కెప్టెన్లుగా వ్యవహరించనున్నారు.

హీరోయిన్ల డాన్స్ ప్రాక్టీసుకు సంబంధించిన ఫోటోలు స్లైడ్ షోలో...