బాలీవుడ్ టాప్ భారీ బడ్జెట్ చిత్రాలు ఇవే (ఫోటో ఫీచర్)

మొఘల్-ఇ-అజం

మోగల్-ఇ-అజం 1960లో తెరకెక్కింది. దివంగత దర్శకుడు కె. ఆసిఫ్ తెరకెక్కించిన ఈ చిత్రంలో పృథ్విరాజ్ కపూర్, దిలీప్ కుమార్, మధుబాల నటించారు. ఈ చిత్రం అప్పట్లో ఇండియన్ సినిమా చరిత్రలో భారీగా వసూళ్లు సాధించిన చిత్రంగా నిలిచింది. పలు నేషనల్ అవార్డులను సైతం గెలుచుకుంది. ఈచిత్రానికి అప్పట్లోనే 10.6 మిలియన్ డాలర్లు కర్చు పెట్టారు.

గజిని

అమీర్ ఖాన్ హీరోగా మురుగదాస్ దర్శకత్వంలో 2008లో హిందీలో తెరకెక్కిన చిత్రం ‘గజిని'. యాక్షన్ సైకలాజికల్ థ్రిలర్‌గా తెరకెక్కిన ఈచిత్రంలో అమీర్ ఖాన్, అసిన్ హీరో హీరోయిన్లు. ఈ చిత్రానికి 12 మిలియన్ డాలర్లు ఖర్చు పెట్టారు.

లవ్ స్టోరీ 2050

హర్మాన్ భజేవా, ప్రియాంక చోప్రా హీరో హీరోయిన్లుగా హ్యారీ బజేవా దర్శకత్వంలో తెరకెక్కిన సైన్స్ ఫిక్షన్ చిత్రం ‘లవ్ స్టోరీ 2050'. అయితే ఈచిత్రం బాక్సాఫీసు వద్ద విజయం సాధించలేక పోయింది. 2008లో వచ్చిన ఈచిత్రానికి 12.7 మిలియన్ డాలర్లు ఖర్చు చేసారు.

ఏక్ థా టైగర్

అమీర్ ఖాన్-కత్రినా కైఫ్ హీరో హీరోయిన్లుగా కబీర్ ఖాన్ దర్శకత్వంలో యశ్ రాజ్ ఫిల్మ్ 2012లో తెరకెక్కించిన యాక్షన్ చిత్రం ‘ఏక్ థా టైగర్'. ఈచిత్రంలో బాక్సాఫీసు వద్ద భారీ విజయం సాధించింది. ఈచిత్రానికి 13 మిలియన్ డాలర్లు ఖర్చు పెట్టారు.

డాన్ 2

షారుక్ ఖాన్-ప్రియాంక చోప్రా ప్రధాన పాత్రల్లో పర్హాన్ అక్తర్ దర్శకత్వంలో 2011లో తెరకెక్కిన యాక్షన్ థ్రిల్లర్ చిత్రం డాన్ 2. డాన్ చిత్రానికి ఇది సీక్వెల్. ఈ చిత్రినికి 14 మిలియన్ డాలర్లు ఖర్చు పెట్టారు.

విశ్వరూపం

కమల్ హాసన్ స్వీయ నిర్మాణ దర్శకత్వంలో తెరకెక్కి చిత్రం ‘విశ్వరూపం'. 2013లో విడుదలైన ఈచిత్రం బాక్సాఫీసు వద్ద మంచి విజయం సాధించింది. ఈచిత్రానికి 14 మిలియన్ డాలర్లు ఖర్చు చేసారు.

ద్రోణ

2008లో వచ్చిన అడ్వెంచర్ ఫాంటసీ చిత్రం ‘ద్రోణ'. బోల్డె బెహ్ల్ దర్శకత్వం వహించారు. అభిషేక్ బచ్చన్, ప్రియాంక చోప్రా హీరోహీరోయిన్లు. ఈ చిత్రంలో స్పెషల్ ఎఫెక్ట్స్ కోసం నిర్మాత దాదాపు 2 మిలియన్ డాలర్లు ఖర్చు పెట్టారు. ఇండియన్ మార్షల్ ఆర్ట్స్ నేపథ్యంలో ఈచిత్రం తెరకెక్కింది. ఈచిత్రానికి మొత్తం 17 మిలియన్ డాలర్ల బడ్జెట్ ఖర్చు పెట్టారు.

బ్లూ

2009లో వచ్చి ఇండియన్ అండర్ వాటర్ యాక్షన్ థ్రిల్లర్ చిత్రం ‘బ్లూ'. ఆంటోనీ డిసౌజా దర్శకత్వం వహించిన ఈ చిత్రంలో సంజయ్ దత్, అక్షయ్ కుమార్, లారా దత్త ముఖ్య పాత్రల్లో నటించారు. 24 మిలియన్ డాలర్లతో తెరకెక్కిన ఈచిత్రం బాక్సాఫీసు వద్ద ఘోర పరాజయం పాలైంది.

. రా.వన్

2011లో వచ్చిన సైన్స్ ఫిక్షన్ సూపర్ హీరో చిత్రం ‘రా.వన్'. అనుభవ్ సిన్హా దర్శకత్వం వహిచిన ఈచిత్రంలో షారుక్ ఖాన్, కరీనా కపూర్ మెయిన్ రోల్స్‌లో పోషించారు. ఈచిత్రం పలు విభాగాల్లో అవార్డులను అందుకుంది. ఈచిత్రానికి ఏకంగా 27 మిలియన్ డాలర్లు ఖర్చు పెట్టారు.

రోబో

రజనీకాంత్, ఐశ్వర్యరాయ్ హీరో, హీరోయిన్లుగా దర్శకుడు శంకర్ తెరకెక్కించిన చిత్రం ‘రోబో'. రెండు సంవత్సరాల పాటు చిత్రీకరణ జరుపుకున్న ఈచిత్రం మచు పిచ్చు, ఆస్ట్రేలియా, బ్రెజిల్, అమెరికా లాంటి ప్రాంతాల్లో షూటింగ్ జరిపారు. ఈ చిత్రానికి 35 మిలియన్ డాలర్లు ఖర్చు చేసారు.