వెంకి-త్రిష వన్స్ మోర్

By Staff

Published: Friday, March 13, 2026, 10:39 [IST]

హిట్ పెయిర్ లు రిపీట్ అవటం పరిశ్రమలో కొత్తేం కాదు. ప్రస్తుతం అలా వెంకటేష్ - త్రిష కాంబినేషన్ రిపీట్ అయ్యే అవకాశముందని ఫిల్మ్ నగర్ లో గుసగుసలు వినపడుతున్నాయి. 'ఆడువారి మాటలకు అర్ధాలు వేరులే' చిత్రంతో తొలిసారి జత గట్టిన వెంకటేష్ ,త్రిష అందరికీ నచ్చేసి సూపర్ హిట్ అనిపించుకున్నారు. దాంతో ఇప్పుడు మరోసారి ఆ మ్యాజిక్ ని రిపీట్ చెయ్యాలని నిర్ణయించుకున్నట్లు తెలుస్తోంది. ఆ విషయమై ఆమెను బల్క్ గా డేట్స్ అడుగుతున్నారని వార్తలు వినపడుతున్నాయి.

అలాగే ప్రస్తుతం 'బుజ్జిగాడు' తో డిజాప్పయింట్ మెట్ లో ఉన్న త్రిష మరింత జాగ్రత్తగా ముందుకెళ్ళాలని నిర్ణయించుకుని ఆచితూచి వ్యవరిస్తోందని ఆమె సన్నిహితులు చెప్తున్నారు. ఈ నేపథ్యంలో ఆమె వెంకటేష్ తో మళ్ళీ చేయటానికి గ్యారింటీగా డేట్స్ ఎడ్జెస్ట్ చేస్తుందని అనుకుంటున్నారు. ఆమె ప్రస్తుతం ఓ తమిళ చిత్రంలోనూ, నాగార్జున తో 'కింగ్' లోనూ చేస్తోంది. అలాగే వెంకటేష్ నెక్ట్స్ సినిమా శ్రీను వైట్లతో అంటున్నారు. దాంతో ఆ దర్శకుడుతో కంఫర్ట్ గా పనిచేస్తున్న ఆమె గ్యారింటీగా గ్రీన్ సిగ్నల్ ఇస్తుందని ఆశిస్తున్నారు. అయితే వెంకటేష్ తో తరువాత సినిమా అంటే క్రిష్ కూడా లైనులో ఉన్నాడు. అతని సినిమాకా అన్నదో ప్రశ్న.

More from Filmibeat