వీడియో : త్రిష ‘నాయకి’ మోషన్‌ పోస్టర్‌

హైదరాబాద్‌: త్రిష ప్రధాన పాత్రలో తమిళ,తెలుగు భాషల్లో తెరకెక్కుతున్న చిత్రం ‘నాయకి'. గోవర్ధన్‌ రెడ్డి దర్శకత్వం వహిస్తున్న ఈ చిత్ర మోషన్‌ పోస్టర్‌ను విడుదల త్రిష విడుదల చేసింది. ఈ విషయాన్ని ఆమె తన ట్విట్టర్‌ ఖాతా ద్వారా తెలిపారు. అదే విధంగా వీడియో లింక్‌ను ఫ్యాన్స్ తో పంచుకున్నారు.

ఈ చిత్రానికి గిరిధర్‌ మామిడిపల్లి, రాజ్‌ కందుకూరి నిర్మాతలుగా వ్యవహరిస్తున్నారు. గణేష్‌ వెంకట్రామన్‌, సత్యం రాజేష్‌, జయప్రకాశ్‌, కోవై సరళ, మనోబాల తదితరులు ‘నాయకి' చిత్రంలో ప్రధాన పాత్రలు పోషిస్తున్నారు. త్వరలో ఈ చిత్రం ప్రేక్షకుల ముందుకు రానుంది.

తెలుగు, తమిళం, హిందీ ఇలా ఏ భాష అనేది సంబంధం లేకుండా అన్ని భాషల్లో స్టార్‌డామ్‌ సంపాదించుకున్న నటి త్రిష. ఇండస్ట్రీకి వచ్చి పదమూడేళ్లయినా ఇప్పటికీ అదే ఉత్సాహంతో వరుస సినిమాలు చేసుకుంటూ వెళుతోన్న త్రిష, 'నాయకి' పేరుతో ఈ హర్రర్‌ కామెడీ సినిమా చేస్తోంది.

హర్రర్‌ కామెడీకి తెలుగు, తమిళంలో మంచి క్రేజ్‌ ఉన్న నేపథ్యంలో రూపొందుతోన్న ఈ సినిమా ఆ కోవలో ఓ మంచి సినిమాగా నిలుస్తుందన్న నమ్మకం వ్యక్తం చేస్తున్నారు త్రిష. ఇక నాయకి సినిమాకు సంబంధించిన మోషన్ పోస్టర్ విడుదల కాగా, ఈ పోస్టర్ కు అంతటా సూపర్‌ రెస్పాన్స్‌ వస్తోంది.

డిఫరెంట్‌ స్టైల్లో కనిపిస్తోన్న త్రిషకు అభినందనలు వెల్లువెత్తాయి. తనను నమ్మి ఇలాంటి పాత్రను ఇచ్చినందుకు దర్శకుడికి థాంక్స్‌ చెబుతూ ఈ సినిమా ద్వారా తన కెరీర్లో మరో మంచి పాత్ర రావడం సంతోషంగా ఉందని తెలిపారు. రఘుకుంచె ఈ సినిమాకు సంగీతం సమకూరుస్తున్నారు. త్వరలోనే షూటింగ్‌ పూర్తికానుందని తెలుస్తోంది.

సత్యం రాజేశ్, కోవై సరళ, జయప్రకాశ్, గణేశ్‌వెంకట్రామన్, మనోబాల కీలక పాత్రల్లో నటిస్తున్నారు. త్రిష నటించిన కళావతి సినిమా ఇటీవలే ప్రేక్షకుల ముందుకొచ్చిన విషయం తెలిసిందే.