అందాలు ఆరబోస్తేనే చూస్తున్నారంటున్న త్రిష

ప్రముఖ హీరోయిన్ త్రిష తనకు ఏ డ్రగ్ ముఠాతో సంబంధం లేదని వాపోతోంది. మాదక ద్రవ్య ముఠాలతో త్రిషకు సంబంధం ఉన్నట్లు ఇటీవల వార్తలు వచ్చాయి. ఈ వార్తలపై త్రిష స్పందించారు. మాదక ద్రవ్య ముఠాలతో తనకు సంబంధాలను ఉన్నట్టు వచ్చిన వార్తలను ఆమె ఖండించారు. మాదక ద్రవ్య ముఠాతో తనకు సంబంధాలున్నాయంటూ వచ్చిన వార్తల్లో ఎలాంటి వాస్తవం లేదన్నారు.

తాను ఏ పాపమూ ఎరగనని అన్నారు. కొందమంది ఉద్దేశ్య పూర్వకంగానే తనపై ఇలాంటి వదంతులు పుట్టిస్తున్నారని వాపోయారు. ఇలాంటి వార్తలు తనకు తీవ్ర మనోవేదనను కలిగిస్తున్నాయన్నారు. ఇక నటన విషయంలో పాతతరం నటీమణులతో ఈ తరం నటీమణులను పోల్చవద్దని కోరారు. పాతతరం హీరోయిన్లనుంచి ప్రేక్షకులు కేవలం నటన మాత్రమే ఆశించే వారని కాని నేటి ప్రేక్షకులు అందాలు ఆరబోస్తేనే సినిమాలను హిట్ చేస్తున్నారని అన్నారు. అందాల ఆరబోతనటీమణులకు తప్పటం లేదన్నారు.