నిశ్చితార్థం నిజమే: కాబోయే వాడితో త్రిష ఎంజాయ్ (ఫోటోస్)

By Bojja Kumar

Updated: Wednesday, December 10, 2014, 9:47 [IST]

హైదరాబాద్: హీరోయిన్ త్రిష నిశ్చితార్థం జరిగినట్లు ఆ మధ్య వార్తలు వెలువడ్డ సంగతి తెలిసిందే. పారిశ్రామికవేత్త, తమిళ నిర్మాత వరుణ్‌ మణియన్‌ను ఆమె పెళ్లి చేసుకోబోతుందని, ఆయనతో నిశ్చితార్థం కూడా ముగిసిందని కోలీవుడ్‌లో వార్తలు గుప్పుమన్నాయి.

అయితే ఆ మధ్య ఈ వార్తలను త్రిషతో పాటు ఆమె తల్లి ఖండించే ప్రయత్నేం చేసారు. అయితే ఇలాంటి విషయాలు ఎంత దాచినా దాగవు అనేది వాస్తవం. విషయం నిర్మాతలకు తెలియడంతో త్రిష వచ్చే సినిమా ఆఫర్లు ఆగి పోయాయి. ఎలాగూ విషయం బయటకు పొక్కింది కాబట్టి త్రిష కూడా ఈ విషయంలో ఓపెన్ అయింది.

తనకు కాబోయే వాడు వరుణ్ మణియన్‌, తన స్నేహితులతో కలిసి ఉత్తరాది యాత్రకు వెళ్లిన ఫోటోలు తన సోషల్ నెట్వర్కింగులో పోస్టు చేసింది. కాబోయే భార్య, ఆమె స్నేహితులను వరుణ్ మణియన్ లక్షలు ఖర్చు చేసి ప్రత్యేక విమానంలో తీసుకెళ్లడం గమనార్హం. అంతా కలిసి ఆగ్రాలోని తాజ్ మహల్ తో పాటు ఢిల్లీలోని మరికొన్ని ప్రదేశాలు సందర్శించారు. ఆ ఫోటోలపై మీరూ ఓ లుక్కేయండి.