'కింగ్' కోసం సింగర్ గా మారిన త్రిష

By Staff

| Published: Thursday, June 26, 2008, 16:13 [IST]

అంటే... త్రిష నటనతో పాటు తన పాటలు కూడా ఇక వినిపిస్తుందని కాదు...ఆమె ఇప్పుడు సింగర్ గా ఓ పెక్యులర్ పాత్రని పోషిస్తోందని తెలుస్తోంది. అదీ నాగార్జునతో తొలిసారి శ్రీను వైట్ల చేస్తున్న కింగ్ చిత్రం కోసం అని గుసగుసలు ఫిల్మ్ నగర్ లో వినపడుతున్నాయి. త్రిష, నాగార్జున మొదటిసారి పెయిర్ గా చేస్తున్న ఈ సినిమా ని కామాక్షి మూవీస్ నిర్మిస్తోంది.

నిర్మాత డి.శివప్రసాద్ ఈ చిత్రాన్ని చాలా ప్రతిష్ఠాత్మకంగా రూపొందిస్తున్నారని అంటున్నారు. డిసెంబర్ లో రిలీజుకి ప్లాన్ చేస్తున్న ఈ సినిమా పూర్తి యాక్షన్ కామిడీతో హిలేరియస్ గా ఉండాలని శ్రీను కృషి చేస్తున్నాడని తెలుస్తోంది. 'శివ', 'హలో బ్రదర్' కలిసినట్లుందని శ్రీను ఈ సినిమా గురించి చెపుతున్నారు. అందులోనూ లైటర్ వీన్ కథలకు కరెక్టుగా నప్పే నాగార్జున ఈ సినిమాలో వెరైటీగా కనిపిస్తారని యూనిట్ వర్గాలు అనుకుంటున్నారు.