హోమ్

న్యూస్

'ఏ మాయ చేసావె" సినిమా సమంతని స్టార్ ని చేస్తే, దానికి తమిళ వెర్షన్ అయిన 'విన్నైతాండి వరువాయ" త్రిష స్టార్ వాల్యూ పడిపోకుండా నిలబెట్టింది. అలా 'జెస్సీ" క్యారెక్టర్ తో ఈ ఇద్దరు తారలకీ ఎమోషనల్ ఎటాచ్ మెంట్ ఏర్పడిపోయింది. త్రిషని అభిమానించే సమంతకి తెలుగులో త్రిష చేస్తున్న క్యారెక్ట్ ఇచ్చారని తెలియగానే ఎగిరి గంతేసిందట. ఎలాగైనా త్రిషలో సగమైనా చేయాలని ప్రత్యేకంగా కసరత్తు చేసిందట. జెస్సీ పాత్రలో అంతగా మెప్పించగలగడానికి కారణం త్రిష స్ఫూర్తేనని సమంత చెప్పింది కూడా.

ఇదిలా వుంటే సమంత తన నడకని అనుకరిస్తోందని త్రిష కంప్లయింట్ చేస్తోంది. 'నున్ను అనుసరిస్తే చంపేస్తానంటూ" వార్నింగ్ కూడా ఇచ్చింది. త్రిష సరదాగా ఇచ్చిన వార్నింగ్ ని సమంత కూడా స్పోర్టివ్ గా తీసుకుంది. అయితే తన నడకను అనుసరిస్తూనే త్రిష కంప్లయింట్ ని కొట్టి పారేయకుండా, నిజమని ఒప్పుకోకుండా నవ్వి ఊరుకుంది. ఏదేమైనా దీనివల్ల జెస్సీలిద్దరి మద్య ఉన్న చనువు అందరికీ తెలిసిందే..ఈ సంభాషణంతా ట్విట్టర్ ద్వారా జరిగింది. ఈ ఇద్దరి మద్య రూ. వేయ్యి రూపాయల బెట్ కూడా నడిచింది.