Don't Miss!
- News టీడీపీ కోసం రంగంలోకి ముగ్గురు వ్యూహకర్తలు - గేమ్ ఛేంజ్..!!
- Finance Gold Price: శుభవార్త.. ఆకాశం నుంచి విరిగిపడ్డ బంగారం ధర.. షాపింగ్ షురూ చేసేయండి..
- Sports లేడీ ఫ్యాన్ అందాన్ని చూసి కంట్రోల్ తప్పిన గిల్ Video
- Technology షియోమీ ప్రత్యేక ఈవెంట్.. బడ్స్ 5A, ప్యాడ్ SE సహా కీలక ఉత్పత్తుల విడుదల.. పూర్తి వివరాలు..!
- Automobiles రూ. 150 కే విమాన టికెట్.. ట్రైన్ జర్నీ కంటే చాలా చీప్.. ఈ స్కీమ్ గురించి మీకు తెలుసా.??
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
‘అలవైకుంఠపురములో’ పాయింట్ ఇదే.. సీక్రెట్ చెప్పేసిన త్రివిక్రమ్
ఈ సంక్రాంతికి సందడి చేయబోయే సినిమాల్లో 'అలవైకుంఠపురములో' ఒకటి. త్రివిక్రమ్ శ్రీనివాస్ దర్శకత్వంలో రూపొందిన ఈ సినిమా జనవరి 12న ప్రపంచవ్యాప్తంగా భారీ అంచనాల నడుమ విడుదల కానుంది. దీంతో ఈ సినిమా స్టోరీ ఏమై ఉంటుందా? ఈ సినిమా ఎలా ఉండబోతోందా? అనే దానిపై జనాల్లో ఆసక్తి నెలకొంది. మరోవైపు.. మధ్యతరగతి వాడైన హీరో ఒక పెద్దింటికి వెళ్లి అక్కడి మనుషుల మధ్య అంతరాలను తొలగించే కథనే 'అలవైకుంఠపురములో' అనే టాక్ బయటకొచ్చింది.
ఈ నేపథ్యంలో డైరెక్టర్ త్రివిక్రమ్ శ్రీనివాస్ ఓ సీక్రెట్ లీక్ చేయడం హాట్ టాపిక్ అయింది. ఇటీవలే ఓ ఇంటర్వ్యూలో పాల్గొన్న త్రివిక్రమ్.. 'అలవైకుంఠపురములో' ఫ్లాట్ పాయింట్ ఏమిటనేది చెప్పేశారు. ఈ కథ ఉద్దేశం ఏంటో త్రివిక్రమ్ తనదైన శైలిలో చెబుతూ ఆసక్తికర విషయాలు బయటపెట్టారు. సంపదకు, ఐశ్వర్యానికి మధ్య ఉన్న తేడాను సరదాగా చెప్పే ప్రయత్నం 'అలవైకుంఠపురములో' ద్వారా చేసినట్లు త్రివిక్రమ్ వెల్లడించారు.
పెద్దింటికి వెళితే అది చాలా విశాలంగా ఉండే తప్ప.. అక్కడ కాసేపు కూర్చుంటే బోరు కొట్టేస్తుందని త్రివిక్రమ్ అన్నారు. పెద్ద వాళ్ల ఇంట్లో సంపద ఉంటుంది తప్ప ఐశ్వర్యం ఉండదని, అదే ఒక మధ్య తరగతి ఇంటికి వెళితే ఇల్లు చిన్నగా ఉన్నప్పటికీ అక్కడ ఆనందం ఉంటుందని త్రివిక్రమ్ అన్నారు. చిన్న ఇంట్లో సంపద లేకపోయినా ఐశ్వర్యం ఉంటుందని, సంపదకు ఐశ్వర్యానికి ఉన్న ఈ చిన్న తేడాను సరదాగా 'అలవైకుంఠపురములో' చెప్పే ప్రయత్నం చేశానని త్రివిక్రమ్ చెప్పుకొచ్చారు. చూడాలి మరి ఈ సంక్రాంతికి ఈ పాయింట్ ఎలా ఆకట్టుకుంటుందో!.