Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
మహేష్ బాబు ఇంటి అద్దాలు పగలకొట్టి దొంగతన ప్రయత్నం
వివరాల్లోకి వెళితే ...బుధవారం తెల్లవారుజామున 2.30 గంటల ప్రాంతంలో మహేష్ బాబు ఇంటి ప్రహరీగోడ దూకిన అతను సెక్యూరిటీ కళ్లుగప్పి ఇంటి వెనకాల కిటికీ అద్దాలు పగులగొట్టి లోపలికి ప్రవేశించాడు. నేరుగా మహేష్ నిద్రిస్తున్న బెడ్రూమ్ వద్దకు చేరుకొని దొంగతనానికి యత్నించాడు. అలికిడి విన్న పని మనుషులు ఉలిక్కిపడి లేచారు. ఎదురుగా మంకీ క్యాప్ ధరించిన వ్యక్తి నిలబడటంతో భయంతో అరిచారు. దీంతో సెక్యూరిటీగార్డ్లు అప్రమత్తమయ్యారు. వెంటనే ప్రధాన ద్వారం వద్దకు వచ్చి ఆగంతకుడిని పట్టుకునేందుకు ప్రయత్నించారు.
అయితే అప్పటికే అతడు వెనక దారి నుంచి పరారయ్యాడు. విషయం తెలుసుకున్న మహేష్ బాబు బయటికి వచ్చి వివరాలు తెలుసుకున్నారు. సెక్యూరిటీ గార్డ్ల ద్వారా జూబ్లీహిల్స్ పోలీసులకు లిఖితపూర్వక ఫిర్యాదు ఇచ్చారు. పశ్చిమ మండలం డీసీపీ కె. సత్యనారాయణ, బంజారాహిల్స్ ఏసీపీ శంకర్రెడ్డి సంఘటనా స్థలానికి చేరుకొని, మహేష్ బాబుతో మాట్లాడి సంఘటనలను తెలుసుకున్నారు. వేలిముద్రల నిపుణులు, డాగ్స్క్వాడ్తో తనిఖీలు చేయించారు. కిటీకీపై పడ్డ వేలిముద్రలను సేకరించారు. ఐపీసీ సెక్షన్ 457, 511 కింద జూబ్లీహిల్స్ పోలీసులు కేసు నమోదు చేసి, దర్యాప్తు చేపట్టారు.