తల బ్రద్దలు కొట్టడం అవసరమా?

By Staff

| Published: Thursday, September 11, 2008, 18:21 [IST]

ఒక విచిత్రం,మాయాజాలం వంటి చిత్రాల హీరోయిన్ పూనమ్ కౌర్ తాజాగా ఓ తలనొప్పిలో ఇరుక్కుంది. రీసెంట్ గా పాయిజన్ క్లబ్ ని సందర్శించిన ఆమె అక్కడ ఓ ప్రెవేట్ టీవీ ఛానెల్ కెమెరామెన్ తో సమస్యను ఎదుర్కొంది. అతను ఆమె స్టిల్స్ తీయటానికి ప్రయత్నిస్తూ వెనకే వస్తూంటే ఇరిటేషన్ కి గురైన ఆమెతో వచ్చిన తన అన్న జితేంద్ర సింగ్ కి కంప్లైంట్ చేసింది. అతను ఆవేశంగా అక్కడున్న ఓ బాటిల్ తో అతని తలపై కొట్టాడు. తలపై తీవ్ర స్ధాయిలో గాయం అయి రక్తం కారుతూంటే డాక్టర్ ని పిలిచారు.

అయితే ఆ తర్వాత ఆ గొడవ పెద్దది కాకుండా ఛానెల్ వారితో సెటిల్ చేసారు. కానీ ఇప్పటికీ కెరిర్ ఒక గాడిలో పడని పూనం కౌర్ మీడియాతో మరింత జాగ్రత్తగా ఉండాల్సింది పోయి ఇలా అసహనంగా వ్యవహించటం పద్దతి కాదంటున్నారు. అలాగే సెలబ్రీటీల వెనక కెమెరా వారు పడటం అత్యంత సహజమేనని,వారే లేకుంటే పబ్లిసిటీ ఎక్కడనుంచి వస్తుందని అంటున్నారు. ఇది గ్లామర్ ఫీల్డ్ అని అందరి కళ్ళూ మన మీదే ఉంటాయి కాబట్టి పరిస్ధితులను బట్టి సహనంతో సర్దుకుపోవాలని సీనియర్లు సూచిస్తారు. ప్రస్తుతం ఆమె వినాయకుడు చిత్రంలో చేస్తోంది.