For Quick Alerts
    ALLOW NOTIFICATIONS  
    For Daily Alerts

    ప్రేమించిన అమ్మాయితో ఉదయ్ కిరణ్ వివాహం

    By Srikanya
    |

    హైదరాబాద్ : హీరో ఉదయ్‌ కిరణ్‌ త్వరలో ఓ ఇంటివాడు కాబోతున్నాడు. హైదరాబాద్‌కి చెందిన విశితను ఉదయ్‌ ప్రేమించారు. వారిద్దరి ప్రేమనీ ఇరు కుటుంబాల వారూ అంగీకరించి పెళ్లికి ముహూర్తం నిర్ణయించారు. ఈ నెల 24న ఉదయ్‌, విశితల వివాహం జరగబోతోంది. వరస ఫ్లాపులతో దూసుకుపోతున్న ఉదయ్ కిరణ్ వివాహంతో తన దశ తిరుగుతుందని భావిస్తున్నారు. ప్రస్తుతం ఆయన 'జై శ్రీరామ్‌' అనే చిత్రంతో కొత్త ఇన్నింగ్స్‌కి శ్రీకారం చుట్టారు.

    ఉదయ్ కిరణ్ ఈ విషయమై మాట్లాడుతూ... ''ఓ పుణ్యక్షేత్రంలో పెళ్లి చేసుకోబోతున్నాను. నిరాడంబరంగా ఆ వేడుక ఉంటుంది'' అని తెలిపారు. ఉషాకిరణ్‌ మూవీస్‌ నిర్మించిన 'చిత్రం'తో హీరోగా ఉదయ్‌ తొలి అడుగువేశారు. ఆ తరవాత 'నువ్వు నేను', 'మనసంతా నువ్వే'లాంటి చిత్రాలతో దూసుకెళ్లారు. ఆ తరవాత కెరీర్‌పరంగా ఒడిదొడుకులు ఎదుర్కొన్నారు. ఉదయ్ కిరణ్ సెకండ్ ఇన్నింగ్స్ తరహాలో మొదలెట్టి చేస్తున్న చిత్రం 'జై శ్రీరామ్‌'. రేష్మ హీరోయిన్ గా చేస్తున్న ఈ చిత్రానికి బాలాజీ ఎన్‌.సాయి దర్శకత్వం వహిస్తున్నారు. తేళ్ల రమేష్‌, ఎన్‌.సి.హెచ్‌.రాజేష్‌ నిర్మాతలు. దర్శకుడు మాట్లాడుతూ ''ప్రాణాల్నిపణంగా పెట్త్టెనా అనుకొన్నది సాధించే పోలీసు అధికారి పాత్రలో ఉదయ్‌కిరణ్‌ ఒదిగిపోయారు. యాక్షన్‌, వినోదం, భావోద్వేగాలకు ప్రాధాన్యముంది''అన్నారు.

    ఇక ఈ చిత్రం స్టోరీ గురించి హీరో ఉదయ్ కిరణ్ మాట్లాడుతూ...ఎక్కడ అన్యాయం జరుగుతోందంటే అక్కడ ప్రత్యక్షమవుతాడు శ్రీరామ్‌. నేరస్తుల పాలిట సింహ స్వప్నం. అవసరమనుకొంటే నియమ నిబంధనల్ని పక్కనపెడతాడు. వృత్తి తప్ప మరో వ్యాపకం తెలియని ఆ అధికారి జీవితంలోకి ఓ యువతి వచ్చింది. ఇంతకీ ఆమె ఎవరు? ఆ తరవాత శ్రీరామ్‌కి వృత్తిపరంగా ఎలాంటి సవాళ్లు ఎదురయ్యాయి? లాంటి విషయాల్ని తెరపైనే చూడాలంటున్నారు.

    అలాగే ''ఇప్పటివరకూ వచ్చిన పోలీస్ కథలకు పూర్తి భిన్నంగా 'జై శ్రీరామ్' ఉంటుంది. స్క్రీన్‌ప్లే ఈ చిత్రానికి ప్రధానబలం. లవ్, యాక్షన్, సెంటిమెంట్... ఇలా అన్ని ఎలిమెంట్లూ ఇందులో ఉంటాయి. పతాక సన్నివేశాల్లో నా లుక్ చాలా సర్‌ప్రైజింగ్ ఉంటుంది. సింహా, దూకుడు, ఈగ చిత్రాల్లో నటించిన ఆదిత్య మీనన్ ఇందులో మెయిన్ విలన్‌గా నటిస్తున్నారు. విలన్ తండ్రిగా ఓ ప్రముఖ నటుణ్ణి సర్‌ప్రైజింగ్‌గా పరిచయం చేస్తున్నాం'' అని ఉదయ్‌కిరణ్ చెప్పారు.

    English summary
    Uday Kiran is all set to get married to the love of his life, Visitha, this month. The girl hails from Hyderabad. The marriage will take place on the 24th of this month according to sources. Uday said “The marriage will take place in a temple of our choice. We are making arrangements to make this event memorable for all of us”.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X