Don't Miss!
- News ఎస్..ఇదే కడప, రాయలసీమ కల్చర్ - సీఎం జగన్..!!
- Finance SBI MF: ప్రైవేట్ బ్యాంక్ దెబ్బతో రూ. 1,200 కోట్లకు పైగా నష్టపోయిన ఎస్బీఐ మ్యుచువల్ ఫండ్..
- Sports SRHను చూస్తే భయమేస్తోంది- పాక్ దిగ్గజం
- Technology కొత్త సబ్స్క్రిప్షన్ ప్లాన్లను విడుదల చేసిన జియో సినిమా... యాడ్ ఫ్రీ, 4K కంటెంట్ సహా అనేక ప్రయోజనాలు..!
- Lifestyle బీట్రూట్ జ్యూస్ తాగితే ఇన్ని ప్రయోజనాలా..? వారంపాటు తాగితే ఎలాంటి ఫలితముంటుందంటే..?
- Automobiles 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
యాంకర్ ఉదయభాను కేసు... ఫోరెన్సిక్ ల్యాబ్కు..
హైదరాబాద్ : ''మధుమతి' సినిమా కోసం నా ఫొటోల్ని మార్ఫింగ్ చేశారు. దీంతోపాటు కొన్ని వెబ్సైట్లు, పత్రికలు అసభ్యమైన కథనాల్ని ప్రచురించాయి. అందులో నా అభిప్రాయాన్ని కూడా పొందుపరచలేదు'' అంటూ ఉదయభాను ఆరోపించిన సంగతి తెలిసిందే. ఈ సినిమాలో తాను నటించిన సన్నివేశాలను మార్ఫింగ్ చేశారంటూ ఉదయభాను చేసిన ఫిర్యాదు విషయంలో హైదరాబాద్ సీసీఎస్ పోలీసులు ఫోరెన్సిక్ నిపుణుల సాయం తీసుకోనున్నారు.
ఉదయభాను తన ఫిర్యాదుతోపాటు కొన్ని ఆధారాలను సైతం సీసీఎస్ పోలీసులకు అప్పగించారు. ఈ ఫోటోలు నిజంగా మార్ఫింగ్ చేసినవా, కాదా అనే విషయాన్ని నిర్ధారించేందుకు వాటిని ఫోరెన్సిక్ ల్యాబ్కు పంపించారు. అక్కడి నుంచి వచ్చే నివేదిక దర్యాప్తులో కీలకం కానుంది. ఉదయభాను ఫిర్యాదు ఆధారంగా సదరు వెబ్సైట్పై సీసీఎస్ పోలీసులు కేసు నమోదు చేశారు. మధుమతి సినిమా విషయంలో దర్శకుడు రాజ్శ్రీధర్ తనని మోసం చేశారని ఉదయభాను ఆరోపించింది. ఈ విషయమై దర్శకుడు శ్రీధర్ వద్ద ప్రస్తావిస్తే ''ఉదయభాను ఆరోపణలు నిరాధారం. ఆమె ఎందుకలా మాట్లాడుతున్నారో మాకు అర్థం కావడం లేదు''అన్నారు.
ఉదయభాను మాట్లాడుతూ... ''నాకు సినిమా కథ చెప్పినప్పుడు ఎంతో నచ్చి నటించడానికి అంగీకరించాను. ఇప్పుడు చూస్తే పూర్తిగా కథని, నా పాత్రని మార్చేశారు. విడుదలకు ముందు నాకు సినిమా చూపించలేదు. అసలు విడుదలవుతున్న విషయమే ఎవరో చెప్తే ఐదురోజుల క్రితం తెలిసింది. ఈ లోగా నా గురించి కొన్ని వెబ్సైట్లు, పత్రికల్లో వార్తలు వచ్చాయి. దీంతో మూవీ ఆర్టిస్ట్ అసోసియేషన్లో ఫిర్యాదు చేశాను. వాళ్లు సమయం చాలదు మేము ఏమీ చేయలేం పోలీసుల్ని ఆశ్రయించమన్నారు. దీంతో వారిని ఆశ్రయించాను. వాళ్ల ద్వారా నాకు న్యాయం జరుగుతుందని ఆశిస్తున్నాను. పోలీసుల సహాయంతోనే నేను, తమ్మారెడ్డి భరద్వాజగారు గురువారం సినిమా చూశాం. నాకే ఇబ్బందికరంగా అనిపించింది. నాలాంటి వాళ్లు ఎవరూ భవిష్యత్తులో ఇబ్బందులు పడకుండా దీనిపై పోరాటం చేస్తాను'' అన్నారు ఉదయభాను.