రాణా 'లీడర్' లో ఉదయభాను స్పెషల్..

రామానాయుడు మనవడు రాణాను హీరోగా పరిచయం చేస్తూ రూపొందుతున్న లీడర్ చిత్రంలో ఉదయభాను ఓ స్పెషల్ సాంగ్ లో కనపించనుంది.టీవీ యాంకర్ గా సుపరిచితురాలైన ఆమె అంతకు ముందు కూడా కొన్ని చిత్రాల్లో చేసింది. ఆ పాట ఈ చిత్రానికి ప్రత్యేక ఆకర్షణ కాగలదని దర్శక,నిర్మాతలు భావిస్తున్నారు. ఎవియం బ్యానర్ వారు నిర్మిస్తున్న ఈ చిత్రానికి శేఖర్ కమ్ముల దర్శకత్వం వహిస్తున్నాడు. మారుతున్న రాజకీయ పరిణామాలు నేపధ్యంలో ఈ చిత్రం కథ నడుస్తుందని చెప్తున్నారు. ఇందులో రాణా ముఖ్యమంత్రిగా కనిపిస్తాడని,యువత రాజకీయాల్లోకి వస్తే ఎలాంటి మార్పులు వస్తాయనేది చర్చిస్తున్నారని తెలుస్తోంది.ఇక ఈ లీడర్ చిత్రం డిసెంబర్ 24 న రిలీజ్ చేయాలని దర్శక,నిర్మాతలు నిర్ణయించినట్లు సమాచారం.ఈ చిత్రంలో రిచా, ప్రియా ఆనంద్ హీరోయిన్స్ గా చేస్తున్నారు. ప్రియాఆనంద్ ప్రస్తుతం దిల్ నిర్మిస్తున్న రామ్ చిత్రం రామ రామ కృష్ణ కృష్ణ లో నటిస్తోంది. ఆ చిత్రాన్ని లక్ష్యం తో హిట్టిచ్చిన వాసు డైరక్ట్ చేస్తున్నాడు.ఇక రాణా తన తదుపరి చిత్రం ప్రకాష్ అనే దర్శకుడుతో ఫైనలైజ్ అయినట్లు తెలుస్తోంది.