For Quick Alerts
    ALLOW NOTIFICATIONS  
    For Daily Alerts

    లైవ్ ఇంటర్వెల్ తో ‘వెన్నెల 1 1/2’

    By Srikanya
    |

    హైదరాబాద్: కమిడియెన్ వెన్నెల కిషోర్ దర్శకుడుగా మారి రూపొందించిన చిత్రం 'వెన్నెల 1 1/2‌'. ఎ టీవీ వారు విడుదల చేస్తున్న ఈ చిత్రంలో లైవ్ ఇంటర్వెల్ కాన్సెప్టుని ఇంట్రడ్యూస్ చేస్తున్నట్లు వెన్నెల కిషోర్ చెప్తున్నారు. సినిమా ఇంటర్వెల్ వచ్చినా బ్రహ్మానందం, వెన్నెల కిషోర్ కి చెందిన విజువల్స్ రన్ అవుతూంటాయి. ఇంటర్వెల్ సమయంలో ఎవరైతే బయిటకు వెళ్లకుండా కూర్చూంటారో వారు చూడగలుగుతారు. ఇలాంటి కాన్సెప్టు తొలి సారిగా పరిచయం చేస్తున్నట్లు చెప్తున్నారు.

    దేవ కట్టా దర్శకత్వంలో వచ్చిన 'వెన్నెల' చిత్రానికి కొనసాగింపుగా నటుడు 'వెన్నెల' కిషోర్ రూపొందిస్తున్న చిత్రం 'వెన్నెల వన్ అండ్ హాఫ్'. చైతన్యకృష్ణ, మోనాల్ గజ్జర్ జంటగా నటిస్తున్నారు. వాసు, వర్మ నిర్మాతలు. పోస్ట్ ప్రొడక్షన్ చివరి దశకు చేరుకున్న ఈ సినిమా గురించి నిర్మాతలు మాట్లాడుతూ -''ప్రేక్షకుల ఊహకందని ఆశ్చర్యాలు ఎన్నో ఈ సినిమాలో ఉంటాయి. రెండున్నర గంటల పాటు హాయిగా నవ్వుకునేలా దర్శకుడు ఈ సినిమాను రూపొందించారు. పోస్ట్ ప్రొడక్షన్ చివరి దశకు చేరుకుంది. ఈ నెల 21న సినిమాను విడుదల చేస్తాం'' అని తెలిపారు.

    ఈ చిత్రం కథ బ్యాంకాక్ లో జరుగుతుంది. స్టోరీలైన్ చూస్తే...విజయవాడలోనో, హైదరాబాద్‌లోనో చదివితే ఏం వస్తుంది? మహా అయితే మంచి ఉద్యోగం వస్తుంది. అదే... విదేశాలకెత్తే వూర్లో మంచి క్రేజ్‌ వస్తుంది. పైగా అక్కడి అమ్మాయిల్ని పటాయించొచ్చు. వారాంతాల్లో కావల్సినంత హంగామా చేయొచ్చు. ఆ అబ్బాయి కూడా అలాగే అనుకొన్నాడు. వెంటనే విమానం ఎక్కేశాడు. మరి అమ్మాయిల మనసులో స్థానం సంపాదించాడా? లేదా? ఈ విషయాలు తెలియాలంటే 'వెన్నెల వన్‌ అండ్‌ హాఫ్‌' చూడాల్సిందే. చైతన్యకృష్ణ, మోనాల్‌ గజ్జర్‌ జంటగా నటించారు.

    చాలా కాలం క్రితమే షూటింగ్ పూర్తి చేసుకున్న ఈ చిత్రం సెప్టెంబర్ 21న విడుదల కానుంది. ఈ సందర్భంగా దర్శక, నిర్మాత వర్మ మాట్లాడుతూ -''సినిమా ఆరంభం నుంచి చివరి వరకు వినోదంగా సాగుతుంది. వంద శాతం ప్రేక్షకులను నవ్విస్తుంది. సునిల్‌కశ్యప్ అందించిన పాటలకు మంచి స్పందన లభిస్తోంది. సినిమా కూడా అన్ని వర్గాల వారికి నచ్చుతుందనే నమ్మకం ఉంది'' అని చెప్పారు. జీఆర్‌ 8 ప్రొడక్షన్స్‌ ప్రై.లి. పతాకంపై వాసు, వర్మ 'వెన్నెల 1 1/2' చిత్రాన్ని నిర్మిస్తున్నారు.బ్రహ్మానందం, రఘుబాబు, మాస్టర్ భరత్, శ్రావణ్, గిరిధర్, హరీష్, వెన్నెల మధు తదితరులు ఇతర పాత్రలు పోషిస్తున్న ఈ చిత్రానికి సంగీతం: సునీల్ కశ్యప్, కెమెరా: సురేష్ భార్గవ్.

    English summary
    Comedian Vennela Kishore has turned director with Vennela 1 1/2. Vennela Kishore introduces a new concept called ‘live interval’ for this film. Chaitanya Krishna and Monal Gajjar are playing the lead roles and it also stars Vennela Kishore and Brahmanandam in important roles. Most part of the film was shot in Bangkok and it’s said to be a sequel to Vennela. Sunil Kashyap has composed the music.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X