షాకింగ్ పిక్ : పులితో ఫోటోనే కష్టం..అలాంటిది ఒళ్లో పడుకోబెట్టుకుని పాలు పట్టిస్తోన్న మెగా కోడలు

ఇంకోసారి ఇలా చేయను..

అంతర్జాతీయ పులుల దినోత్సవం సందర్భంగా ఉపాసన.. ‘పులి పిల్లకు పాలు పట్టడం ఏంతో ఎగ్జైటింగ్‌గా ఉంది.. కానీ మళ్లీ ఇలాంటి పని ఎప్పుడూ చేయను. ఈ భూతంలో పులుల సంఖ్య ఎక్కువగా ఉన్నాయని లెక్కలు చెబుతున్నాయి. అయితే వాటిని పెంచుకోవడం, జూలో పెట్టడం వల్ల వాటిని రక్షించవచ్చు అనేది నేను నమ్మను. కోవిడ్ కారణంగా ఎవ్వరూ జూకు వెళ్లడం లేదు. టిక్కెట్స్ కొనడం లేదు. వారికి రెవెన్యూ రావడం లేదు. వారు దాన్ని పోషించలేకపోతున్నారు. అందుకే జూలో ఉన్న ఏనుగును నేను దత్తత తీసుకున్నాను.

ఏనుగును దత్తత..

ఇలాంటి ఏనుగులు మళ్లీ అభయారణ్యంలో జీవించలేవు. అందుకే దాన్ని దత్తత తీసుకున్నాను. మళ్లీ జూలు ఎప్పుడు ఓపెన్ అవుతాయో మనకు ఓ అంచనా లేదు. మన హైద్రాబాద్ జూ ఎంతో పరిశుభ్రంగా, చక్కగా ఉంటుంది. క్షితిజ, ఆమె టీమ్, నేను కలిసి ఎన్నో మంచి పనులు చేశాం. నేను మీకు దాని గురించి అప్ డేట్ ఇస్తుంటాను.

పులుల సంచారం..

నేటి అంతర్జాతీయ పులుల దినోత్సవం సందర్భంగా ప్రతీ ఒక్కరూ కొన్ని విషయాలు తెలుసుకోవాలి. మీరంతా హైద్రాబాద్ చుట్టుపక్కల ప్రాంతాల్లో పులుల సంచారం ఎక్కువగా ఉంటోంది. మీరంతా జాగ్రత్తగా ఉండాలి. వాటికి రక్షణ అవసరం' అంటూ ఉపాసన పులికి పాలు తాగిస్తోన్న ఫోటోను షేర్ చేసింది.

భిన్న కామెంట్లు..

ఇక ఉపాసన చేసిన ఈ సాహసానికి భిన్న కామెంట్స్ వినిపిస్తున్నాయి. పులి బిడ్డకు పులి పాలు పడుతోందని కొందరు కామెంట్స్ చేస్తుంటే.. అలా మీ చేతిలో మెగా వారసుడు ఎప్పుడు ఉంటారని కొందరు కామెంట్స్ చేస్తున్నారు. అలాంటి పిచ్చి పనులు చేయకండి, ఏదైనా ప్రమాదం జరిగితే ఎలా అని ఇంకొందరు కామెంట్స్ చేస్తున్నారు.