పార్టీ మార్చిన శారద

By Staff

Published: Tuesday, February 24, 2009, 11:38 [IST]

సినీనటి తాడిపర్తి శారద కాంగ్రెస్‌ పార్టీలో చేరారు. మహాశివరాత్రి పర్వదినాన సోమవారం సాయంత్రం ఆమె ముఖ్యమంత్రి సమక్షంలో కాంగ్రెస్‌ లో జాయిన్ అయ్యారు. తెనాలి పట్టణానికి చెందిన శారద 1996వ సంవత్సరంలో రాజకీయ రంగ ప్రవేశం చేశారు. అప్పట్లో తెలుగుదేశం పార్టీ అభ్యర్థిగా తెనాలి పార్లమెంటు సీటుకు పోటీ చేసి ప్రస్తుత జిల్లా కాంగ్రెస్‌ కమిటీ అధ్యక్షుడు సింగం బసవపున్నయ్యపై గెలిచారు.

అయితే రెండేళ్లకే అప్పట్లో లోక్‌సభ రద్దు కావడంతో తిరిగి 1998వ సంవత్సరంలో ఎన్నికలు జరిగాయి. ఈ ఎన్నికల్లో కూడా సిట్టింగ్‌ ఎంపిగా శారదకు తెలుగుదేశం పార్టీ టిక్కెట్‌ ఇచ్చింది. అయితే కాంగ్రెస్‌ పార్టీపి శివశంకర్‌ ను బరిలోకి దింపటంతో ఓడిపోయింది. అప్పటి నుంచి శారద రాజకీయాల్లో కనుమరుగయ్యారు. సినిమాల్లో అడపా దడపా నటిస్తూన్న శారద తిరిగి రాజకీయ పునఃప్రవేశం చేయడంతో అంతటా చర్చనీయాంశంగా మారింది. చేనేత వర్గానికి చెందిన శారద ఈ సారి చీరాల పట్టణం నుంచి ఎన్నికల్లో పోటీ చేయాలన్న ఆలోచనతో ఉన్నట్లు తెలుస్తోంది.

More from Filmibeat