రామోజీ 'వయస్కాంతం'

By Staff

Published: Monday, March 2, 2009, 14:29 [IST]

వయస్సుకు ఆలోచనలు సంభంధం లేదంటారు. అలాగే ప్రముఖ పారిశ్రామికవేత్త రామోజీరావుగారు..ఎప్పటి పరిస్ధితులకు తగినట్లు అప్పటికి తన ఆలోచనలనని, టీమ్ ని, సంస్ధలని ఆధునీకరించి విజయం సాధించే శక్తి అనే సంగతి తెలిసిందే. ఈ మాటలు నిజం చేస్తూ..చిరకాల విరామం తర్వాత ఉషాకిరణ్ మూవీస్ నేటి యూత్ ఆలోచనలకు అనుగుణంగా నిర్మించిన నచ్చావులే సినిమా ఘనవిజయం సాధించింది. అల్లరి రవిబాబు కెరీర్ లోనే ఇది ఒక క్లీన్ ఎంటర్టైనర్ గా నిలిచిపోయింది.

ఆ సినిమా ఇచ్చిన ఉత్సాహంతో ఇప్పుడు వయస్కాతం పేరుతో మరో చిత్రానికి శ్రీకారం చుడుతున్నట్లు సమాచారం. మనీ చిత్రంతో తెలుగునాట కామిడీకి కొత్త రూపునీ, ఊపునీ ఇచ్చిన శివనాగేశ్వరరావు ఈ చిత్రానికి దర్శకత్వ బాద్యతలు నిర్వహించనున్నారు. కామిడీ బేస్ తో యూత్ ఎంటర్టైనర్ గా ఈ చిత్రం కథ నడుస్తుందని వినపడుతోంది. పరిమిత బడ్జెట్ లో దాదాపు రామోజీ ఫిలిం సిటీలో పూర్తయ్యేటట్లు, అంతా కొత్త వారితో ఈ చిత్రాన్ని రూపొందించటానికి ప్లాన్ చేస్తున్నారు. ఈ చిత్రం కూడా హిట్టయితే ఇది ఒక మంచి సంప్రదాయంగా మిగతా సంస్ధలు కూడా అనుసరించే అవకాశముంది.

More from Filmibeat