Don't Miss!
- News హైదరాబాద్, కరీంనగర్ కాంగ్రెస్ అభ్యర్థులు వీరే: ఖమ్మంలో హీరో వెంకటేష్ వియ్యంకుడు
- Sports T20 World Cup 2024 బ్రాండ్ అంబాసిడర్గా పరుగుల చిరుత.!
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
‘అర్జున్ రెడ్డి’.... పండగరోజు ఈ నీచమైన సినిమా వద్దంటూ ఆందోళన!
అర్జున్ రెడ్డి సినిమాపై వి.హనుమంతరావు ఆందోళన చేశారు. సినిమా విడుదల నిలిపివేయాలని సెన్సార్ బోర్డు వద్ద ఆందోళన చేశారు.
కాంగ్రెస్ పార్టీ సీనియర్ నేత వి.హనుమంతరావు 'అర్జున్ రెడ్డి' సినిమా పేరెత్తితే చాలు మండిపడుతున్నారు. ఇటీవల ఈ సినిమా పోస్టర్లను చించేసి వార్తల్లోకి ఎక్కిన వీహెచ్.... తాజాగా సెన్సార్ బోర్డు కార్యాలయం ముందు ఆందోళన చేశారు.
పవిత్రమైన వినాయక చవితి పండగ రోజు..... 'అర్జున్ రెడ్డి' లాంటి నీచమైన సినిమాల విడుదలకు అనుమతి ఇవ్వడం ఏమిటని ఆయన మండి పడ్డారు. ఈ సినిమా యువతను చెడగొట్టేలా ఉందని, ఇలాంటి సినిమాలకు సెన్సార్ అనుమతి ఎలా ఇచ్చింది అంటూ మండి పడ్డారు.
వీహెచ్ కోపానికి కారణం ఏమిటి?
‘అర్జున్ రెడ్డి' సినిమాకు సంబంధించి ముద్దు పోస్టర్లు వి. హనుమంతరావుకు అస్సలు నచ్చలేదు. ఆర్టీసీ బస్సులపై ఇలాంటి పోస్టర్లు వేయడంతో ఆగ్రహానికి గురైన ఆయన వాటిని చించేసి వార్తల్లోకి ఎక్కారు.
Recommended Video
హీరో కౌంటర్ ఇవ్వడంతో బాగా ఫీలయ్యారా?
హనుమంతరావు పోస్టర్లు చించిన ఘటనపై ‘అర్జున్ రెడ్డి' సినిమా హీరో విజయ్ దేవరకొండ ట్విట్టర్లో స్పందిస్తూ..... ‘తాతయ్యా చిల్' అంటూ కామెంట్ పెట్టాడు. దీంతో వి.హనుమంతరావుకు బాగా కోపం వచ్చినట్లుంది.
వాటి వల్ల యాక్సిడెంట్స్
హీరో, హీరోయిన్లు లిప్ లాక్ చేసిన పోస్టర్లను బస్సులకు అతికించారని... వీటి వల్ల రోడ్డు ప్రమాదాలు సంభవిస్తున్నాయని వి.హెచ్ మండిపడ్డారు. ఇలాంటి పోస్టర్లను వేయకూడదని ఆయన అన్నారు.
వర్మ ట్వీట్ మరింత మంటెక్కించింది
వి. హనుమంతరావు పోస్టర్లు చించిన ఘటనపై రామ్ గోపాల్ వర్మ స్పందిస్తూ...... హీరో విజయ్ వెంటనే వెళ్లి హనుమంతరావు బట్టలు చించాలని ట్వీట్ చేశారు. వర్మ ట్వీట్తో వి.హెచ్. మరింత ఆగ్రహానికి గురైనట్లు తెలుస్తోంది. అందుకే సినిమాకు వ్యతిరేకంగా సెన్సార్ బోర్డు కార్యాలయం ముందు ఆందోళన చేసినట్లు స్పష్టం అవుతుంది.
వివాదాలు ప్లస్సవుతాయా? మైనస్సవుతాయా?
గతంలో పలు సినిమాల విషయంలో ఇలానే పలు వివాదాలు చుట్టుముట్టాయి. కొన్ని సార్లు ఇలాంటి వివాదాల వల్ల సినిమాకు బాగా పబ్లిసిటీ జరిగి ప్లస్సయిన సందర్బాలున్నాయి.. కొన్ని సినిమాల విషయంలో వివాదాలు మైనస్ అయ్యాయి. మరి ‘అర్జున్ రెడ్డి' విషయంలో ఈ వివాదాలు ఎలాంటి ఫలితాలు ఇస్తాయో వేచి చూడాలి.