హోమ్

న్యూస్

మహేష్ బాబు నటించిన భరత్ అనే నేను చిత్రం విడుదలకు అన్ని కార్యక్రమాలు పూర్తి చేసుకుంది. ఏప్రిల్ 20 ప్రపంచ వ్యాప్తంగా భారీ విడుదలకు రంగం సిద్ధమైంది. మహేష్ చివరి రెండు చిత్రాలు నిరాశపరిచినా ఈ చిత్రంతో రికార్డులు కొల్లగొడుతాడని అంచనాలు వేస్తున్నారు. కొరటాల, మహేష్ బాబు సూపర్ హిట్ కాంబినేషన్ లో ఈ చిత్రం రూపొందడంతో అభిమానుల్లో కనివిని ఎరుగని అంచనాలు నెలకొని ఉన్నాయి.

తాజగా ఈ చిత్రంలోని సూపర్ హిట్ సాంగ్ 'వచ్చాడయ్యో సామి' ప్రోమో విడుదల చేసారు. మహెష్ తన ట్విట్టర్ వేదికగా ఈ సాంగ్ ప్రోమోని విడుదల చేయడం విశేషం. ఈ సాంగ్ అభిమానులకు కన్నుల పండుగగా ఉంది. పంచె కట్టులో మహేష్ అలరిస్తున్నాడు. వచ్చాడయ్యో సాంగ్ భరత్ అనే నేను ఆల్బంలోనే సూపర్ హిట్ గా నిలిచింది.

దేవిశ్రీ ప్రసాద్ ఈ చిత్రానికి సంగీతం అందించాడు. రామజోగయ్య శాస్త్రి సాహిత్యం అందించారు. కైరా అద్వానీ ఈ చిత్రంలో మహేష్ సరసన హీరోయిన్ గా నటించింది. ఆమెకు తొలి తెలుగు చిత్రం ఇదే కావడం విశేషం. భరత్ అనే నేను చిత్రంపై అటు అభిమానుల్లో, ఇటు సినీవర్గాల్లో భారీ అంచనాలు ఉన్నాయి.