మహేష్ బాబు కోసం అమెరికా మొత్తం వెతుకుతున్నారు

భరత్ అను నేను

మహేష్ బాబు ఇంకా తన మనసులో స్పైడర్ ఇచ్చిన రిజల్ట్ గురించి కొంచెం బాధలో ఉన్నాడని టాక్ వినిపించింది. అయితే మళ్ళీ వెంటనే కోలుకొని "భరత్ అను నేను" షూటింగ్ లో పాల్గొంటున్నాడు. ఇది కాస్త పక్కన పెడితే మహేష్ కంటే ఎక్కువ తన తర్వాతి సినిమా గురించి ఆలో చిస్తున్నది టాలీవుడ్ దర్శకుడు వంశీ పైడిపల్లి.

వైజయంతీ మూవీస్‌

వంశీ పైడిపల్లి దర్శకత్వంలో శ్రీవెంకటేశ్వర క్రియేషన్స్‌ మరియు వైజయంతీ మూవీస్‌ పతాకాలపై ప్రముఖ నిర్మాతలు సి.అశ్వనీదత్‌, దిల్‌రాజు నిర్మాతలుగా ఓ భారీ చిత్రం రాబోతున్న సంగతి తెలిసిందే. ఈ చిత్రంలో హీరోయిన్ ఎవరు అనేది ఇప్పటి వరకు ఖరారు కాలేదు.

న్యూయార్క్ వీధులను చుట్టేస్తున్నాడు

ఇప్పుడీ దర్శకుడు మహేష్ 25వ సినిమా లొకేషన్స్ కోసం అమెరికా లోని న్యూయార్క్ వీధులను చుట్టేస్తున్నాడు. భారీ బడ్జెట్ తో ఈ సినిమాను నిర్మిస్తున్నట్లు తెలుస్తోంది. వంశీ ప్రతి షాట్ చాలా రిచ్ గా ఉండాలని ప్లాన్ చేస్తున్నాడట. అందుకే అమెరికాలో కొన్ని లొకేషన్స్ చూడటానికి తన ఫెవరెట్ సినిమాటోగ్రాఫర్ పీఎస్.వినోద్ తో అలాగే ప్రొడక్షన్ డిజైనర్ సునీల్ బాబు తో వెళ్లాడు.

లొకేషన్స్ సెర్చ్ చేస్తున్నాడు

రీసెంట్ గా న్యూయార్క్ లో దిగిన ఒక ఫొటోను వంశీ తన ట్విట్టర్ అకౌంట్ లో పోస్ట్ చేసి లొకేషన్స్ సెర్చ్ చేస్తున్నట్లు చెప్పాడు.మహేష్ ప్రస్తుతం కొరటాల శివతో భరత్ అనే నేను సినిమాను చేస్తున్న సంగతి తెలిసిందే. అయితే ఆ సినిమా అయిపోగానే వంశీ ప్రాజెక్ట్ పట్టాలెక్కించనున్నాడు మహేష్. దిల్ రాజు- సి. అశ్విని దత్ ఆ సినిమాను సంయుక్తంగా నిర్మిస్తున్నారు.