వర్మకు విదేశాలపై మోజు, విదేశాల్లో అందం

By Pratap

Published: Thursday, March 15, 2012, 11:20 [IST]

మురికివాడల్లో, సందుల్లో సినిమాలు తీసే రామ్ గోపాల్ వర్మకు విదేశాల అందాలపై మోజు పెరిగినట్లు ఉంది. రానా దగ్గుబాటి, నటాలియా కౌర్‌లతో నిర్మిస్తున్న చిత్రం షూటింగును ఆయన విదేశాల్లో జరపాలని నిర్ణయించుకున్నారు. ఈ మేరకు ఆయన ఓ ప్రకటన విడుదల చేశారు. రామ్ గోపాల్ వర్మ నిర్మిస్తున్న అందం సినిమాలో రానా దగ్గుబాటి, నటాలియా నటిస్తున్నారు.

యాక్షన్, లవ్ స్టోరీ షూటింగ్ మొత్తం విదేశాలలో ఇంతవరకూ చూడనటువంటి అద్భుతమైన లొకేషన్లలో షూట్ చేస్తున్నట్లు ఆయన తెలిపారు. ఇంత వరకూ తన సినిమాలకు మురికివాడలు, ఇరుకు సందులు, చీకటి ఇళ్ళనే లొకేషన్స్ గా ఎంచుకునే వాడినని, కాని అందుకు పూర్తి విరుద్దంగా, మొట్టమొదటి సారిగా, అత్యంత అందమైన లొకేషన్స్ లో ఈ సినిమాను చాలా అందంగా రూపొందించాలన్నది తన ఆలోచన ఆయన చెప్పారు.

More from Filmibeat