ఎవరైనా..ఎప్పుడైనా..ఎప్పుడంటే...

వరుణ్ సందేశ్ లేటెస్ట్ ఫిలిం ఎవరైనా..ఎప్పుడైనా చిత్రం జూన్ ఆరున రిలీజుకి ప్లాన్ చేసారు. విమలా రామన్ హీరోయిన్ గా చేసిన ఈ చిత్రం ద్వారా మార్తాండ శంకర్ దర్శకుడుగా పరిచయం అవుతున్నారు. మణిశర్మ సంగీతం అందించిన ఈ చిత్రాన్ని ఎవిఎమ్ వారు చాలా గ్యాప్ తర్వాత నిర్మిస్తున్నారు. ఇక వరుణ్ సందేశ్ వరస హిట్స్ హ్యాపీడేస్, కొత్త బంగారులోకం తర్వాత వస్తున్న చిత్రం కావటంతో అంతటా మంచి అంచనాలే ఉన్నాయి. ఇక ఈ చిత్రం అనంతరం గుణ్ణం సందీప్ రూపొందిస్తున్న పొల్లాదవన్ రీమేక్ రిలీజు అవుతుంది. ఈ చిత్రానికి విజేత అనే టైటిల్ పెట్టే యోచనలో దర్శక, నిర్మాతలు ఉన్నారు. ఈ రెండూ తర్వాత దిల్ రాజు ప్రతిష్టాత్మకంగా నిర్మిస్తున్న మరో చరిత్ర రీమేక్ రెడీ అవుతుంది.