'హ్యాపీ హ్యాపీగా' వచ్చి వారం కూడా కాలేదు..అప్పుడే

వరుణ్‌ సందేశ్ హీరోగా చేసిన 'హ్యాపీ హ్యాపీగా' మొన్న శుక్రవారం విడుదలైంది.అప్పుడే సక్సెస్ మీట్స్ స్టార్ట్ చేసేసారు. సరిగ్గా ఓపినింగ్స్ కూడా తెచ్చుకోలేని ఈ చిత్రం భాక్సాఫీస్ వద్ద బోర్ చిత్రంగా టాక్ తెచ్చుకుంది. అయితే ఈ చిత్రం సక్సెస్ మీట్ లో వరుణ్ సందేశ్ మాట్లాడుతూ... "అసభ్యత, అశ్లీలత లేని చిత్రమిది. కుటుంబ సమేతంగా చూడొచ్చు. మణిశర్మ సంగీతం, అనిల్‌ సంభాషణలు ప్రేక్షకుల్ని బాగా ఆకట్టుకుంటున్నాయి. కథలోని భావోద్వేగాలను చక్కగా తెరమీద చూపించారు. అలీ పాత్ర కూడా నచ్చుతుంది. ఈ సినిమా పేరుకు తగ్గట్టు చూసినవాళ్లు, పంపిణీదారులు అందరూ హ్యాపీగా ఉన్నారన్నారు. ఇక నిర్మాత దుర్గాప్రసాద్‌ వడ్లమూడి అయితే ఈ ముక్కోణపు ప్రేమకథని యువతరంతో పాటు పెద్దవారికీ నచ్చేలా తీశామని చెప్తున్నారు. ఈ చిత్రానికి వస్తోన్న స్పందన పట్ల చిత్ర బృందం సంతోషం వ్యక్తం చేసింది. అదీ సంగతి.