వరుణ్ తో దుర్గా ఆ ర్ట్స్

క్షణక్షణం, హలో బ్రదర్, సంతోషం వంటి సూపర్ హిట్ మూవీస్ ని అందించిన దర్గా ఆర్ట్స్ తాజాగా వరుణ్ సందేశ్ తో చేయటానికి సన్నాహాలు చేస్తోంది. ఎవరైనా ఎపుడైనా, హలో ప్రేమిస్తారా, ఓయ్ వంటి చిత్రాలకు రచన అందించిన రాజసింహ ఈ చిత్రంతో దర్శకుడుగా మారనున్నాడు.ఇక ప్రస్తుతం వరుణ్ సందేశ్ కుర్రాడు చిత్రం డబ్బింగ్ లో ఉన్నారు. కుర్రాడు చిత్రాన్ని ఆనందీ ఆర్ట్స్ వారు గుణ్ణం సందీప్ దర్శకత్వంలో చేస్తున్నారు. తమిళంలో ధనుష్ హీరోగా వచ్చిన పొల్లాదవాన్ రీమేక్ ఇది. ఈ చిత్రంలో వరుణ్ సరసన చిరుత ఫేమ్ నేహాశర్మ నటిస్తోంది. ఈ చిత్రం అనంతరం దిల్ రాజు నిర్మిస్తున్న మరో చరిత్ర రీమేక్ పూర్తి చేయాల్సి ఉంది. ఆ తర్వాత ఈ దుర్గా ఆర్ట్స్ చిత్రం ప్రారంభం కానుంది.