'కుదిరితే కప్పు కాఫీ'...అంటున్న వరుణ్ సందేశ్

'కుదిరితే కప్పు కాఫీ...వీలైతే నాలుగు మాటలు' బొమ్మరిల్లు చిత్రంతో పాపులర్ అయిన ఈ వాక్యాల టైటిల్ తో ఓ సినిమా రాబోతోంది. వరుణ్‌ సందేశ్‌ హీరోగా సాయికిరణ్‌ అడవి నిర్మాతగా ఈ చిత్రాన్ని రూపుదిద్దుకోబోతోంది. 'విలేజ్‌ లో వినాయకుడు' అందించిన మూన్‌ వాటర్‌ పిక్చర్స్‌ సంస్థ ఈ చిత్రాన్ని నిర్మిస్తుంది. ఇక ఈ సినిమా ద్వారా కొత్త దర్శకుడు చిత్రసీమకు పరిచయమవుతున్నారని సమాచారం. ఓ రొమాంటిక్ కామిడీగా ఈ చిత్రం రూపొందనున్నదని తెలుస్తోంది. హీరోయిన్ మిగతా వివరాలు తెలియాల్సి ఉంది. ఇక వరుణ్ సందేశ్ హ్యాపీ హ్యాపీగా...అనే చిత్రంలోనూ నటిస్తున్నారు. సైలెంట్ గా షూటింగ్ పార్ట్ ఫినిష్ చేసుకున్న ఈ చిత్రం జూన్ లో రిలీజ్ చేస్తున్నారు. ఈ చిత్రం ద్వారా ప్రియా శరణ్ అనే దర్శకుడు పరిచయమవుతున్నాడు. ఈ చిత్రంలో హీరోయిన్ గా సరోజ చిత్రం లో చేసిన వేగ, శరణ్యా మోహన్ నటిస్తున్నారు.