సైలెంట్ గా వరుణ్ సందేశ్ స్టార్ట్ చేసాడు

హ్యాపీడేస్, కొత్త బంగారు లోకం చిత్రాలతో పాపులయిన వరుణ్ సందేశ్ తాజాగా మరో చిత్రానికి కమిట్ అయ్యాడు. అయితే ఆ వివరాలు గోప్యంగా ఉంచి సైలెంట్ గా షూటింగ్ ప్రారంభించాడు. విష్ణు వర్ధన్ (తమిళ భిల్లా డైరక్టర్) దగ్గర అసెస్టెంట్ గా పనిచేసిన శరవణ్ అనే తమిళ డైరక్టర్ ఈ చిత్రంతో పరిచయం అవుతున్నాడు. తమిళ, తెలుగు బాషల్లో రెడీ అవుతున్న ఈ చిత్రంలో హీరోయిన్ గా శరణ్య(విలేజ్ లో వినాయకుడు ఫేమ్) చేస్తోంది. అలాగే సరోజ చిత్రంలో చేసిన వేగ కూడా మరో హీరోయిన్ గా ఇందులో పలకరించనుంది. ఇక ఈ చిత్రాన్ని దుర్గాప్రసాద్ ప్రొడ్యూస్ చేస్తూండగా మణిశర్మ సంగీతం అందిస్తున్నాడు. సిరివెన్నెల సాహిత్యం అందిస్తున్నాడు. మరో ప్రక్క వరుణ్ సందేశ్ దిల్ రాజుతో చేస్తున్న మరో చరిత్ర రీమేక్ పూర్తి కావస్తోంది. అలాగే త్వరలో తమిళ పొల్లాదవాన్ రీమేక్ కుర్రాడు రిలీజ్ అవుతోంది.