అంతరిక్షంలో మెగా హీరోతో అదితి.. నక్షత్రాలతో డాన్స్!

అంతరిక్షంలో జంట

ఈ చిత్రం కోసం అంతరిక్షానికి సంబందించిన భారీ సెట్ వేశారు. ఆ సెట్ లోనే ప్రస్తుతం షూటింగ్ జరుగుతోంది. సెట్ లో వరుణ్ తో తాను కలసి ఉన్న పిక్ ని అదితి సోషల్ మీడియాలో పోస్ట్ చేసింది.

నక్షత్రాలతో డాన్స్

ఈ సందర్భంగా ఓ ఉత్సాహభరితమైన కామెంట్ కూడా అదితి పోస్ట్ చేసింది. చంద్రుడిని ఛేజ్ చేస్తాం, నక్షత్రాలతో డాన్స్ చేస్తాం అంటూ అదితి పేర్కొంది. ఈ పిక్ లో వరుణ్ తేజ్, అదితి వ్యోమగాములు గెటప్ లో కనిపిస్తున్నారు.

అంతరిక్షంలో మ్యాజిక్

సబ్ మెరైన్ యుద్ధం అంటూ ఘాజి చిత్రంతో మాయ చేసిన సంకల్ప్ రెడ్డి ఈ సారి అంతరిక్ష ప్రయోగాలకు శ్రీకారం చుట్టాడు. ఈ చిత్రానికి అంతరిక్షం అనే టైటిల్ పరిశీలిస్తున్నట్లు తెలుస్తోంది.

రొమాంటిక్ చిత్రాల తరువాత

రెండు రొమాంటిక్ చిత్రాలతో హిట్స్ అందుకున్న వరుణ్ తేజ్ ఈ చిత్రంతో ప్రయోగాల బాట పట్టాడు. ఈ చిత్రం పట్ల వరుణ్ తేజ్ చాలా ఉత్సాహంగా కనిపిస్తున్నాడు. ఏడాది చివర్లో ఈ చిత్రం విడుదలయ్యే అవకాశం కనిపిస్తోంది.