హోమ్

న్యూస్

ప్రస్తుతం టాలీవుడ్ చిత్రసీమలో రష్మిక మందన్న టైమ్ నడుస్తోంది. ఆమె చేసిన ప్రతీ సినిమా సూపర్ హిట్ కావడమే గాక ఆమెకు మంచి పేరు తెచ్చి పెడుతోంది. ఈ నేపథ్యంలోనే రష్మిక మందన్న చేస్తున్న తాజా సినిమా 'భీష్మ'. ప్రస్తుతం శరవేగంగా షూటింగ్ జరుపుకుంటున్న ఈ సినిమా నుంచి కొద్దిసేపటి క్రితమే ఫస్ట్ గ్లింప్స్‌ రిలీజ్ చేశారు మేకర్స్.

ఈ వీడియో ద్వారా ఇటు రష్మిక అభిమానులకు, అటు నితిన్ అభిమానులకు రొమాంటిక్ ట్రీట్ ఇచ్చారు. రష్మిక నడుము చూసి పరేషాన్ అవుతున్న నితిన్.. చివరకు తట్టుకోలేక ఆమెతో చించేశారు అని సైగ చేస్తూ చెప్పడం ఈ వీడియోలో హైలైట్ అవుతోంది. ఈ వీడియోతో యూత్ ఆడియన్స్‌కి బుట్టలో వేసుకుంది చిత్రయూనిట్. ప్రస్తుతం సోషల్ మీడియాలో వైరల్ అవుతున్న భీష్మ ఫస్ట్ గ్లింప్స్‌, ఒక్కసారిగా సినిమాపై హైప్ పెంచేసింది.

తాజాగా భీష్మ ఫస్ట్ గ్లింప్స్‌ చూసిన మెగా ప్రిన్స్ వరుణ్ తేజ్.. సోషల్ మీడియాలో ఓ కామెంట్ పోస్ట్ చేశాడు. నితిన్, రష్మిక డామ్ క్యూట్ అంటూ పొగిడారు. ఇద్దరూ ఎవరికి వారే సూపర్ అంటూ ఆకాశానికెత్తేశాడు వరుణ్. ఆయన పెట్టిన ఈ కామెంట్ చూసి వెంటనే స్పందించిన రష్మిక.. థ్యాంక్యూ సార్ అని పేర్కొంది. వీళ్లిద్దరి ట్వీట్స్ చూసి వాటిపై లైకుల వర్షం కురిపిస్తున్నారు నెటిజన్లు.

Thaaaaankyou sir.😁 https://t.co/MgII99YFuz

— Rashmika Mandanna (@iamRashmika) November 7, 2019

సితార ఎంటర్టైన్మెంట్స్ బ్యానర్‌పై వెంకీ కుడుముల దర్శకత్వంలో రూపొందుతున్న 'భీష్మ' మూవీ శరవేగంగా షూటింగ్ జరుపుకుంటోంది. చిత్రంలో రష్మిక- నితిన్ జోడీ బాగా ఆకట్టుకోనుందని అంటున్నారు మేకర్స్. ఇప్పటికే వీరిద్దరిపై విడుదలైన పోస్టర్స్, ఫస్ట్ లుక్స్‌కు మంచి స్పందన తెచ్చుకున్న సంగతి తెలిసిందే. ఇదిలా ఉండగానే తాజాగా విడుదల చేసిన భీష్మ ఫస్ట్ గ్లింప్స్‌ ఆన్‌లైన్ వేదికలపై సెన్సేషన్ క్రియేట్ చేస్తోంది.