పవన్ కళ్యాణ్‌ను చూసినట్లే ఉంది: వరుణ్ తేజ్ ‘తొలి ప్రేమ’ ఫస్ట్ లుక్

ఆసక్తి రేపుతున్న ఫస్ట్ లుక్ పోస్టర్

ఈ చిత్రం ద్వారా వెంకీ అట్లూరి ద‌ర్శ‌కుడిగా పరిచయం అవుతున్నారు. రాశి ఖ‌న్నా హీరోయిన్‌. ఈ చిత్రం ఫస్ట్ లుక్ పోస్టర్ అభిమానుల్లో ఆసక్తి రేపుతోంది. పవన్ కళ్యాణ్ మూవీకి, ఈ సినిమాకు ఎలాంటి సంబంధం లేక పోయినా..... అదే స్థాయిలో ఈ చిత్రం హిట్ అవుతుందని భావిస్తున్నారు.

క్యూట్ అండ్ ఎమోష‌న‌ల్ ల‌వ్‌స్టోరీ

సినిమా గురించి నిర్మాత బివిఎస్ఎన్ ప్ర‌సాద్ మాట్లాడుతూ ``ద‌ర్శ‌కుడు వెంకీ అట్లూరి ఓ క్యూట్ అండ్ ఎమోష‌న‌ల్ ల‌వ్‌స్టోరీని తెర‌కెక్కించారు. వ‌రుణ్ తేజ్‌ను స‌రికొత్త క్యారెక్ట‌ర్‌లో ప్రేక్ష‌కులు చూస్తారు. ప్రేక్ష‌కుల హృద‌యాల‌ను హ‌త్తుకునే బ్యూటీఫుల్ ల‌వ్ ఎంట‌ర్‌టైన‌ర్‌... అని తెలిపారు.

రిలీజ్ డేట్ ఖరారైంది

డిసెంబ‌ర్లో షూటింగ్ పూర్త‌ి చేసుకోనున్న ఈచిత్రం జ‌న‌వ‌రిలో పోస్ట్ ప్రొడ‌క్ష‌న్ కార్య‌క్ర‌మాల‌ను పూర్తి చేసి ఫిబ్ర‌వరి 9న విడుద‌ల చేసేందుకు ప్లాన్ చేస్తున్నారు. ఈ చిత్రానికి త‌మ‌న్ సంగీతం అందించ‌గా, జార్జ్ సి.విలియ‌మ్స్ సినిమాటోగ్ర‌ఫీ అందిస్తున్నారు.

ఆ టైటిల్ అంటేనే ఎంతో క్రేజ్

‘తొలి ప్రేమ' టైటిల్ అంటేనే తెలుగు సినిమా అభిమానుల్లో, ముఖ్యంగా మెగా అభిమానుల్లో ఏదో తెలియని క్రేజ్ ఉంది. ఇపుడు ఇదే టైటిల్‌తో మెగా ఫ్యామిలీ హీరో నుండి మరో సినిమా వస్తుండటంతో అంచనాలు మరింత పెరిగాయి.