'చిరుత' పేరుతో వరుణ్

రామ్ చరణ్ హీరోగా వచ్చిన తొలి చిత్రం 'చిరుత'కి తొలుత 'కుర్రాడు' అనే టైటిల్ ని అనుకున్నారట. దీనికి క్యాప్షన్ గా 'లోక్లాస్' అని పెట్టాలనుకున్నారట. కానీ అప్పట్లో 'చిరుత' టైటిల్ ప్రచారంలోకి రావడం, ఆ టైటిల్ కి మంచి రెస్పాన్స్ రావడంతో 'చిరుత'గానే చరణ్ ప్రేక్షకులముందుకు వచ్చారు.

ప్రస్తుతం 'కుర్రాడు' పేరుతో వరుణ్ సందేశ్ హీరోగా సందీప్ గుణ్ణం దర్శకత్వంలో ఆనంది ఆర్ట్స్ ఓ చిత్రాన్ని నిర్మిస్తోంది. ఇందులో విశేషం ఏంటంటే 'చిరుత'తో టాలీవుడ్ కు పరిచయమైన నేహా శర్మ ఈ 'కుర్రాడు'లో హీరోయిన్ గా నటిస్తోంది. సో చరణ్ మిస్ అయినా 'కుర్రాడు' టైటిల్ ని నేహా మిస్సవలేదన్నమాట.