న్యూడ్ ఫోటో‌పై వీణా రూ.10కోట్ల పరువునష్టం దావా

By Bojja Kumar

Published: Monday, December 5, 2011, 16:18 [IST]

పాకిస్థాన్ మోడల్ వీణా మాలిక్ ఒంటిపై నూలు పోగు కూడా లేకుండా ఉన్న న్యూడ్ ఫోటో ఎఫ్‌హెచ్‌ఎం మ్యాగజైన్ డిసెంబర్ ఇష్యూ కవర్ పై దర్శనం ఇచ్చిన విషయం తెలిసిందే. అయితే దీనిపై ఆమె తీవ్ర ఆగ్రహం వ్యక్తం చేస్తోంది. తన న్యూడ్ ఫోటో ఎఫ్‌హెచ్‌ఎం మ్యాగజైన్ పై వాడి తన పరువుకు డ్యామేజ్ చేశారని, వెంటనే తనకు రూ. 10 కోట్ల పరిహారం చెల్లించాలి అని డిమాండ్ చేస్తూ మాక్స్ పోసర్ కార్పొరేట్ మీడియా(ఇండియా)ప్రైవేట్ లిమిటెడ్, కబీర్ శర్మ( ఎఫ్‌హెచ్‌ఎం చీఫ్ ఎడిటర్), ఫోటో గ్రాఫర్ విశాల్ సక్సేనాలకు నోటీసులు జారీ చేసింది. వెంటనే మ్యాగజైన్ కాపీలను విత్ డ్రా చేసుకోవడంతో పాటు, ఇంటర్నెట్ సైట్ నుంచి కూడా తన నగ్న ఫోటోలను తొలగించాలని వార్నింగ్ ఇచ్చింది. లేని పక్షంలో భారతీయ చట్టాల ప్రకారం చర్యలు తీసుకోవాల్సి ఉంటుందని హెచ్చరించింది.

బిగ్ బాస్ షో ద్వారా ఇండియాలో అడుగు పెట్టిన వీణా మాలిక్, ఇక్కడి బాలీవుడ్ సినిమాల్లో అవకాశాలు దక్కించుకోవడానికి నానా తంటాలు పడుతోంది. తరచూ తన హాట్ ఎక్స్ పోజింగ్ పోటలను విడుదల చేస్తూ యూత్ లో వేడి పుట్టిస్తోంది. ఈ నేపథ్యంలో ఆమె నగ్న ఫోటోలు ఎఫ్‌హెచ్‌ఎంపై దర్శనం ఇవ్వడంతో తన పబ్లిసిటీ పెంచుకోవడానికి ఇలా చేసిందని అంతా భావించారు. కానీ ఆవిడ ఇలా ఎఫ్‌హెచ్‌ఎంపై అడ్డం తిరగడంతో సర్వత్రా చర్చనీయాంశం అయింది.

More from Filmibeat