ఆ అమ్మాయికి నేను స‌పోర్ట్ చేస్తాను.. భాను చందర్

20 నుంచి రెగ్యులర్‌ షూటింగ్

నిర్మాత మాట్లాడుతూ ``ఈ నెల 20 నుంచి రెగ్యుల‌ర్ షూటింగ్ మొద‌ల‌వుతుంది. 50-60 రోజులు రెగ్యుల‌ర్ షూటింగ్ జ‌రుగుతుంది. త్వ‌ర‌లో నే చిత్రాన్నివిడుద‌ల చేస్తాం. వీర‌భ‌ద్ర క్రియేష‌న్స్ సంస్థ‌లో మేం నిర్మిస్తున్న రెండో సినిమా ఇది. ఆల్రెడీ ఒక సినిమా పూర్త‌యి పోస్ట్ ప్రొడ‌క్ష‌న్ ప‌నుల్లో ఉంది`` అని అన్నారు.

కీలకమైన పాత్రలో భానుచందర్

భానుచంద‌ర్ మాట్లాడుతూ ``నాకు మంచి రోల్ ఇచ్చారు. నేను అతిథిగా కాకుండా, పూర్తి లెంగ్త్ ఉన్న పాత్ర చేస్తున్నాను. హేమ‌ల‌త చాలా బాగా నిర్మిస్తున్నారు. ఈ అమ్మాయికి నేను స‌పోర్ట్ చేస్తాను`` అని తెలిపారు.

సుమన్, భానుచందర్ మంచి సపోర్ట్

ద‌ర్శ‌కుడు మాట్లాడుతూ ``అమ‌లాపురంలో రెగ్యుల‌ర్ షూటింగ్ మొద‌లుపెట్టి ఆంధ్రా, తెలంగాణ‌లో 50-60రోజులు షూటింగ్ చేస్తాం. సుమ‌న్‌గారు, భానుచంద‌ర్‌గారు మాకు చాలా స‌హాయం చేస్తున్నారు. మా ప్రాజెక్ట్ త‌ప్ప‌కుండా హిట్ అవుతుంది. నిర్మాత‌గారు చాలా మంచి స‌పోర్ట్ ఇస్తున్నారు`` అని చెప్పారు.

నటీనటులు, సాంకేతిక నిపుణులు

ఈ చిత్రంలో భాను చందర్, సుమన్, సన, కాశీ విశ్వనాధ్, రజిత , విద్యుల్లత , నిహాల్, వేణు, మహేష్, ఫణి, రమణ్, వెన్నెల కిశోర్ త‌దిత‌రులు ఇత‌ర పాత్ర‌ల్లో న‌టిస్తున్నారు. ఈ సినిమాకు నిర్మాత : హేమలత రెడ్డి , స్క్రీన్ ప్లే, దర్శకత్వం : కె గోవర్ధన్ రావు, సంగీతం : రమణ్ రాథోడ్ , ఫోటోగ్రఫీ : ప్రసాద్ ఈదర (శంకర్ కుమార్ ), ఎడిటింగ్ : నాగిరెడ్డి వి , మాటలు : కరణ్ గోపిని , కథ : వీరభద్ర క్రియేషన్స్.