మాధవన్,జగపతి బాబు కాంబినేషన్....

మల్టి స్టార్ సినిమా అంటే వెంటనే గుర్తుకు వచ్చే హీరో జగపతి బాబు. యే ఇగోలు లేకుండా చక్కగా ఇమిడిపోయి నటించే ఈ నటుడు ప్రస్తుతం 'కథానాయకుడు' చిత్రంలో రజనీ కాంత్ బాల్య మిత్రుడుగా చేస్తున్నాడు. గతంలోనూ 'లక్ష్యం' ,'శివకాశి' , 'అనుకోకుండా ఒకరోజు' వంటి చిత్రాల్లో వేరే హీరోలతో చేసారు. అలాగే ఇప్పుడాయన 'గుడుంబాశంకర్' ఫేమ్ వీర్ శంకర్ దర్శకత్వంలో నటించబోతున్నాడు.

ఆ సినిమాలో ఆయనతో పాటు మాధవన్ కూడా చేస్తున్నాడు. ఇలా కథలకు ప్రిఫెరన్స్ ఇస్తూ కెరీర్ లో ముందుకు వెళ్తున్న జగపతి వర్మ నిర్మించే 'రక్ష' లోనూ విభిన్నమైన పాత్ర చేసారని తెలుస్తోంది. చేతబడి చుట్టూ నడిచే ఆ కథ ఓ మంచి అనుభూతి అని ఆయన ఫీలవుతున్నారు. పాత్రలకి ప్రాధాన్యత ఇస్తున్నాడు కాబట్టే మిగతా హీరోలకు దొరకని కథలు ఆయనని వెతుక్కుంటూ వస్తున్నాయని సీనియర్లు మెచ్చుకుంటున్నారు.