హోమ్

న్యూస్

ఇప్పుడు యూత్ అనుభవం లేకపోయినా తెరపై అద్భుతాల్ని సృష్టిస్తోంది. గతేడాది నవతరం దర్శకులు పలువురు మెగాఫోన్‌ చేతపట్టి విజయాలు అందుకొన్నారు. అందులో మేర్లపాక గాంధి ఒకరు. 'వెంకటాద్రి ఎక్స్‌ప్రెస్‌'తో ఇంటిల్లిపాదినీ అలరించారు. ఆ ప్రతిభను పరిశ్రమ కూడా గమనించింది. అందుకే ఇప్పుడు అవకాశాలను కట్టబెట్టే ప్రయత్నం చేస్తోంది. గాంధి దర్శకత్వంలో యూనివర్సల్‌ మీడియా ఓ చిత్రాన్ని తెరకెక్కించబోతోంది. ఇందులో ఓ యంగ్ హీరో నటించబోతున్నారు.

నిర్మాత డి.వి.వి.దానయ్య మాట్లాడుతూ ''ఇటీవలే కథా చర్చలు పూర్తయ్యాయి. ఇప్పటి ప్రేక్షకుల అభిరుచులకు తగ్గట్టుగా మంచి కథని సిద్ధం చేశారు గాంధి. త్వరలోనే ఆ చిత్రాన్ని సెట్స్‌పైకి తీసుకెళ్లబోతున్నాం. వరుస విజయాలను సొంతం చేసుకొంటున్న ఓ యంగ్ హీరో ఇందులో నటించబోతున్నాడు. ఆ వివరాల్ని మరికొద్ది రోజుల్లో వెల్లడిస్తాము''అన్నారు.

అలాగే...'వెంకటేశ్, నయనతార కాంబినేషన్‌లో మారుతి దర్శకత్వంలో 'రాధ' చిత్రం త్వరలో ప్రారంభం కానుంది. చిత్రానికి సంబంధించిన నటీనటులు, సాంకేతిక నిపుణుల వివరాలు త్వరలో వెల్లడిస్తాం' అన్నారు. ఈ చిత్రానికి సమర్పణ: డి.పార్వతి.