పిక్ టాక్: ‘ఎఫ్ 2’ షూటింగులో జాయినైన వెంకటేష్

వెంకటేష్, వరుణ్ తేజ్ ప్రధాన పాత్రల్లో అనిల్ రావిపూడి దర్శకత్వంలో తెరకెక్కుతున్న మల్టీ స్టారర్ 'ఎఫ్2 : ఫన్ & ఫ్రస్టేషన్'. ఈ సినిమా షూటింగ్‌లో కొన్ని రోజుల క్రితమే వరుణ్ తేజ్ జాయిన్ అవ్వగా తాజాగా వెంకటేష్ సెట్స్‌లోకి ఎంటరయ్యాడు. ఈ విషయాన్ని వెల్లడిస్తూ దర్శకుడు ట్విట్ చేశాడు. 'వెంకటేష్ లాంటి సీనియర్ హీరోతో కలిసి పని చేయడం గౌరవంగా భావిస్తున్నాను' అని పేర్కొన్నారు.

పూర్తి వినోదాత్మక చిత్రంగా 'ఎఫ్2: ఫన్ & ఫ్రస్టేషన్' మూవీ తెరకెక్కుతోంది. వెంకటేష్ గతంలో ఎన్నడూ చేయని ఒక డిఫరెంట్ పాత్రలో ప్రేక్షకులను ఎంటర్టెన్ చేయబోతున్నారు. అనిల్ రావిపూడి స్టైల్లో పూర్తి ఫన్ రైడ్‌లా ఈ సినిమా సాగబోతోంది.

అనిల్ రావిపూడి గత చిత్రాలు పటాస్, సుప్రీమ్, రాజా ది గ్రేట్ మంచి విజయాలు సాధించడం, హిట్ చిత్రాల నిర్మాతగా పేరు తెచ్చుకున్న దిల్ రాజు తన శ్రీవెంకటేశ్వర క్రియేషన్స్ బేనర్లో ఈ చిత్రాన్ని తెరకెక్కిస్తున్న నేపథ్యంలో.... 'ఎఫ్2: ఫన్&ఫ్రస్టేషన్' సినిమాపై మంచి అంచనాలు ఏర్పడ్డాయి.

ఈ చిత్రంలో త‌మ‌న్నా, మెహ‌రీన్ హీరోయిన్స్‌గా న‌టిస్తున్నారు. క‌మ‌ర్షియ‌ల్ వేల్యూస్‌తో కామెడీ ఎంట‌ర్ టైన‌ర్స్‌ను తెర‌కెక్కించే ద‌ర్శ‌కుడు అనిల్ రావిపూడి ఈ సినిమాను ఆద్యంతం ఫ‌న్ రైడ‌ర్‌గా తెర‌కెక్కిస్తారు. రాక్‌స్టార్ దేవి శ్రీ ప్ర‌సాద్ సంగీతం అందిస్తున్నారు. అలాగే స‌మీర్ రెడ్డి సినిమాటోగ్ర‌ఫీని అందిస్తున్నారు. అన్ని కార్య‌క్ర‌మాల‌ను పూర్తి చేసి సినిమాను వ‌చ్చే సంక్రాంతికి విడుద‌ల చేస్తున్నాం అని యూనిట్ స‌భ్యులు తెలిపారు.