త్రివిక్రమ్ ని బ్యాడ్ చేసిన ‘మహేష్ ఖలేజా’-కండీషన్ తో వెంకటేష్..!?

రైటర్ డైరెక్టర్ త్రివిక్రమ్ సినిమాలు తియ్యాలంటే నిర్మాతలు భయపడిపోతున్నారు. ఒక్కో సినిమాను రెండు సంవత్సరాల పాటు తీస్తాడనే బ్రాండ్ అతని పై పడింది. మహేష్ 'ఖలేజా" రెండేళ్ళుగా తీస్తూనే వున్నాడు. తన పై పడిన ఈ అపవాదును పోగొట్టుకునేందుకు త్రివిక్రమ్ తీవ్రంగా కృషి చేస్తున్నట్టు తెలిసింది.

అదెలాగంటే యమస్పీడ్ గా ఒక కథను రెడీ చేసుకొని వెంకటేష్ కి వినిపించాడట. ఆ కథ నచ్చి వెంకీ ఓకే చేసారట. త్రివిక్రమ్ సంగతి తెలిసిన వెంకటేష్ ఈ సినిమాను ఎట్టి పరిస్థితుల్లో ఆర్నెల్లలో కంప్లీట్ చెయ్యాలని కండీషన్ పెట్టాడట. సినిమా తియ్యడానికి ఎక్కువ సమయం తీసుకోవడానికి అలవాటు పడ్డ త్రివిక్రమ్ ఈ సినిమాను మాత్రం ఆర్నెల్లలోనే తీసేసి తన కెరీర్ ను కాపాడుకుందామనే ఆలోచనలో పడ్డాడు. కాగా త్రివిక్రమ్ శ్రీనివాస్ ఆల్రెడి వెంకీ నటించిన నువ్వు నాకు నచ్చావు, మరియ మల్లీశ్వరీ చిత్రాలకు డైలాగు అందించిన విషయం తెలిసిందే.