Don't Miss!
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- News మైండ్ బ్లాక్, డీసీఎం తమ్ముడి ఆస్తుల విలువ..? తల్లి, అన్న దగ్గర అప్పులు చేసిన సిట్టింగ్ ఎంపీ!
- Finance CRAMC IPO: త్వరలో కెనరా రోబెకో అసెట్ మేనేజ్మెంట్ కంపెనీ ఐపీఓ..!
- Sports హేటర్స్ ఎంతకు తెగించారు: చివరికి హార్దిక్ పాండ్యా వైఫ్ను కూడా
- Automobiles ప్రపంచంలోనే 'ది బెస్ట్ కారు' ఇదే.. 29 దేశాల నుంచి 100 మంది ఆటో మొబైల్ జర్నలిస్ట్లు ఎంపిక చేసిన కారు ఏదంటే??
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
గేట్లు ఎత్తేస్తున్నారు ఇకపై మనదే బాధ్యత.. వెంకీమామ ట్వీట్ వైరల్
ప్రపంచవ్యాప్తంగా కరోనా విజృంభిస్తోంది. కరోనా ధాటికి ప్రపంచ దేశాలన్నీ విలవిల్లాడుతున్నాయి. లక్షల సంఖ్యలో కరోనా బారిన పడుతున్నారు. మరణాలు కూడా అదే స్థాయిలో సంభవిస్తున్నాయి. మన దేశంలోనూ కరోనా అంతకంతకూ తన ప్రాభవాన్ని పెంచుకుంటూ పోతోంది. నానాటికి కరోనా కేసులు పెరుగుతూనే ఉన్నాయి. కరోనా కట్టడికి విధించిన లాక్ డౌన్ వల్ల ఎలాంటి ఉపయోగం లేకుండా పోయింది. మన దేశంలోనూ పరిస్థితి చేజారిపోయేలా కనిపిస్తోంది. ఈ మేరకు తాజాగా విధించిన లాక్డౌన్పై సోషల్ మీడియాలో ఎన్నో సెటైర్స్ వినిపిస్తున్నాయి.
చేతులెత్తేసిన ప్రభుత్వం..
కరోనా కేసులు వందల్లో ఉన్నప్పుడు కఠినంగా ఉన్న లాక్ డౌన్.. పరిస్థితి విషమించి పోతూ ఉండటంతో సులభతరంగా మారుతూ వచ్చింది. చివరకు రెండు లక్షలకు దగ్గరల్లో ఉన్న సమయంలో విధించిన లాక్ డౌన్లో ఎన్నో సడలింపులు ఇచ్చారు. థియేటర్స్, మాల్స్, జిమ్స్, పబ్స్ వంటివాటికి తప్ప మిగిలిన అన్నింటికి అనుమతిని ఇచ్చేశారు.
స్పందించిన వెంకటేష్..
కరోనా కట్టడి, ప్రభుత్వం తీసుకుంటున్న చర్యలు, పోరాటం చేస్తున్న వైద్యులు, పోలీసులపై వెంకటేష్ సందర్భానుసారంగా ప్రశంసలు కురిపిస్తూనే ఉన్నాడు. జనతా కర్ఫ్యూ నాడు, దీపాలు వెలిగించమని చెప్పినప్పుడు ఇలా ప్రతీ సందర్భంలో వెంకీ తన కర్త్యవాన్ని పాటించాడు. తాజాగా ఐదో దశ లాక్ డౌన్ను ఉద్దేశించి స్పందించాడు.
కృతజ్ఞతలు చెబితే సరిపోదు
వెంకటేష్ సోషల్ మీడియా వేదికగా స్పందిస్తూ..‘కరోనా వైరస్ వ్యాప్తిని తగ్గించడానికి గత 70 రోజులుగా నిర్విరామంగా కృషి చేసిన కేంద్ర, రాష్ట్ర ప్రభుత్వాలకు ధన్యవాదాలు. ప్రజలందరి రక్షణ కోసం రాత్రింబవళ్లూ కష్టపడి పనిచేసిన సిబ్బందికి కేవలం కృతజ్ఞతలు చెబితే సరిపోదు.
మనదే బాధ్యత..
ఇప్పుడిప్పుడే గేట్లు తెరుచుకుంటున్నాయి. ఇప్పుడిక మనదే బాధ్యత. ప్రస్తుతం లాక్డౌన్ మాత్రమే ముగిసింది.. వైరస్ ప్రస్థానం కాదు. కాబట్టి లాక్డౌన్ కాలంలో ఎలాంటి జాగ్రత్తలు తీసుకున్నామో.. వాటిని ఇకపై కూడా పాటించాలి. సురక్షితంగా ఉండండి.. భౌతిక దూరం పాటించండ'ని అందర్నీ కోరాడు. వెంకటేష్ ప్రస్తుతం అసురన్ రీమేక్ నారప్ప సినిమాను చేస్తున్నాడు.