పూరీతో సినిమా ఆగిపోయిందా..? వెనకడుగు వేసిన వెంకీ

రోగ్‌' డిజాస్టర్‌గా నిలిచింది

ఎన్నో ఆశలతో మళ్ళీ పాత పూరీని చూపిస్తుందనుకున్న సినిమా ‘రోగ్‌' డిజాస్టర్‌గా నిలిచింది. ఎంత డిజాస్టర్‌ అయినా పూరి సినిమా అంటే మినిమమ్‌ కలెక్షన్స్‌ ఉంటాయి. ఈ సినిమాకు కనీసం ప్రేక్షకాదరణ కూడా లేనట్టు తెలుస్తోంది. ఈ సినిమా కోసం పూరి దాదాపు పది కోట్ల రూపాయలకు పైగా పారితోషికం అందుకున్నాడట.

అవమానమే.

ఈ సినిమా ఫుల్‌రన్‌లో కనీసం పది కోట్ల రూపాయల షేర్‌ కూడా తెచ్చుకోలేదని వార్తలు వినబడుతున్నాయి. అంటే పూరి తీసుకున్న రెమ్యునరేషన్‌ కూడా రికవర్‌ కాదన్నమాట. ఓవర్సీస్‌లో అయితే మరీ దారణం అన్న వార్తలు వినిపిస్తున్నాయి. ఓ డైరెక్టర్‌గా పూరికి ఇది అవమానమే.

రోగ్‌ రిలీజ్‌ అయిన తర్వాత

వెంకీతో కూడా సినిమా చేస్తానంటూ పూరి చెబుతున్నాడు కానీ రోగ్‌ రిలీజ్‌ అయిన తర్వాత వెంకీ ఆలోచన మారిందని అంటున్నారు. గురుతో పాటే రిలీజ్‌ అయిన రోగ్‌ దారుణమైన ఓపెనింగ్‌ తెచ్చుకోవడంతో పాటు డిజాస్టర్‌ టాక్‌తో నడుస్తూ వుండడంతో ఈ టైమ్‌లో పూరి జగన్నాథ్‌తో సినిమా చేయడం, అందునా భారీ బడ్జెట్‌తో ప్రయోగం చేయడం సరికాదని వెంకటేష్‌ డిసైడ్‌ అయిపోయాడట.

తేజ డైరెక్షన్‌లో

పూరితో కంటే తేజ డైరెక్షన్‌లో చేయడం బెటరని అనుకుంటున్నాడట. తేజ తనకోసం ఏదో కథ సిద్ధం చేసాడని తెలిసి అతడిని రమ్మని కబురంపించాడట... బాలయ్య సినిమా హిట్‌ అయితే అప్పుడు మళ్లీ పూరితో వెంకీ సినిమా తెర మీదకి వస్తుందేమో కానీ ప్రస్తుతానికి అది డ్రాప్‌ అయిపోయినట్టే.