లేడీ గెటప్ లో వెంకి!

By Staff

| Published: Monday, December 8, 2008, 9:07 [IST]

చిత్రం భళారే విచిత్రం,భామనే సత్య భామనే,మేడమ్ వంటి సినిమాల్లో నటించాలని వెంకటేష్ ఉత్సాహపడుతున్నాడు. తనకి ప్రతీ చిత్రంలోనూ ఏదో వెరైటీ చెయ్యాలని ఉంటుందని అయితే అటువంటి అవకాశం ఏవో కొద్ది సినిమాలు మాత్రమే ఇస్తాయని వెంకటేష్ ఓ ప్రెస్ మీట్ లో చెప్పుకొచ్చారు.అలాగే స్వామి వివేకానంద జీవిత చరిత్ర ఆధారంగా ఎవరన్నా సినిమా గానీ సీరియల్ గానీ చేస్తే తనకి చేయటానికి ఆసక్తి ఉందని చెప్పాడు. అయితే స్వామి వివేకానందుల వారి చరిత్ర స్క్రిప్టుని సురేష్ బాబు ఇప్పటికే కమర్షియల్ ఫార్మెట్ లో తయారు చేయుస్తున్నారని ఫిల్మ్ వర్గాల కథనం. మరో ప్రక్క భారవి కూడా వివేకానందుల వారి చరిత్రను తెరకెక్కించాలని ఉబలాటపడుతున్నారు.

ప్రస్తుతం వెంకటేష్ ..క్రిష్ దర్శకత్వంలో కృష్ణం వందే జగద్గురం,శ్రీను వైట్ల దర్శకత్వంలో మరో సినిమా చేసేందుకు కమిట్ అయ్యారు. ప్రతిష్ఠాత్మకంగా కమల్ రూపొందించనున్న చిత్రంలో నెగిటివ్ రోల్ అనుకున్నారు ..కానీ అది బడ్జెట్ సమస్యతో ఆగిపోయింది.ఇక వెంకటేష్ రాబోయే రోజుల్లో అవకాశం ఉన్నంత వరకూ వినోదాన్ని పంచే విచిత్రమైన రోల్స్ చేయనున్నట్లు చెప్పుకొచ్చారు. ఎవరైనా లేడి గెటప్ ఉన్న కథను పట్టుకెళితే వెంకటేష్ వెంటనే ఓకె చేసేటట్లు ఉన్నాడని చెప్తున్నారు. మన దర్శక,నిర్మాతలు ఈ విషయం తెలిసాక ఆగుతారా..త్వరలోనే మెటీరియలైజ్ చేస్తారు...దీన్ని బట్టి చూస్తుంటే రాబోయే రోజుల్లో కూడా వెంకటేష్ హవా నడవనుందన్నమాట. బెస్టాఫ్ లక్..