తమిళంలో కమల్,తెలుగులో వెంకటేష్ ఖరారు

By Srikanya

| Published: Wednesday, January 8, 2014, 12:33 [IST]

హైదరాబాద్ : ఓ చిత్రం ఓ భాషలో హిట్టైందంటే దాని రీమేక్ కు హీరోలు ఉత్సాహం చూపిస్తూంటారు. తాజాగా మలయాళంలో మోహన్‌లాల్‌, మీనా జంటగా నటించిన 'దృశ్యం' చిత్రం అక్కడ పెద్ద విజయం సాధించింది. ఈనేపథ్యంలో చిత్రాన్ని తమిళంలో రీమేక్‌ చేయడానికి కమల్‌ ఆసక్తి చూపుతున్నాడు. తెలుగులో వెంకటేష్ ఈ చిత్రం రీమేక్ కు గ్రీన్ సిగ్నల్ ఇచ్చారు.

తెలుగు వెర్షన్ ని సురేష్ ప్రొడక్షన్స్,వైడ్ యాంగిల్ ఫిల్మ్స్ వారు కలిసి నిర్మిస్తారు. శ్రీప్రియ దర్శకత్వంలో చిత్రం రూపొందనుంది. హీరోయిన్ మిగతా విషయాలు తేలాల్సి ఉంది. ఇక తమిళ వెర్షన్ లో మీనా నే హీరోయిన్ గా తీసుకోనున్నారు. సెకండ్‌ ఇన్నింగ్స్‌లో మీనా దశ తిరుగుతున్నట్టు కనిపిస్తోంది .

గతంలో 'భామనే సత్యభామనే' సినిమాలో వీరిద్దరూ కలిసి నటించిన సంగతి మనకు తెలిసిందే. అలాంటి ఈ జంటను ఇప్పుడు మళ్లీ తెరపైకి తెచ్చే ప్రయత్నాలు జరుగుతున్నాయి. మలయాళం వెర్షన్లో చక్కని అభినయాన్ని ప్రదర్శించిన మీనానే తమిళంలో కూడా తీసుకోవాలని కమల్‌ భావిస్తున్నాడు. ఇందుకు సంబంధించిన సన్నాహాలు జరుగుతున్నాయి.

Comments

English summary

Venkatesh will soon be seen in the official remake of a Malayalam super hit ‘Drishyam’. This movie will be produced by Suresh Productions, in association with Wide Angle Films. Veteran director Sripriya will be handling the direction.

Story first published: Wednesday, January 8, 2014, 12:33 [IST]