రజనీ చెప్పిందే నిజమైంది...వెంకటేష్

నాగవల్లి సినిమా చేయాలని నిర్ణయించుకున్నప్పుడు రజనీకాంత్‌గారిని కలిశాను. 'నీ బాడీ లాంగ్వేజ్, హైట్ దృష్టిలో పెట్టుకుని నీ స్టైల్లో నువ్వు నటించు' అని ఆయన ప్రోత్సహించారు. సినిమా చూడగానే ఆయన ఫోన్ చేసి ' చాలా టెర్రిఫిక్‌గా చేశావు వెంకీ.. ఓ పాపులర్ హీరో నెగిటివ్ పాత్ర పోషిస్తే ఆడియన్స్ ఎలా రిసీవ్ చేసుకుంటారో చూడు.. ఈ సినిమా తర్వాత నీకు లేడీ ఫ్యాన్ ఫాలోయింగ్ పెరుగుతుంది' అన్నారాయన. అదే నిజమైంది అన్నారు వెంకటేష్.

వెంకటేష్ హీరోగా పి.వాసు దర్శకత్వంలో బెల్లంకొండ సురేష్ నిర్మించిన 'నాగవల్లి' చిత్రం క్రిందటివారం విడలైంది. మొదటి 8 రోజుల్లో 13 కోట్ల రూపాయలు వసూలు చేయడమే కాకుండా తమిళనాడులో సైతం విజయవంతంగా ప్రదర్శింపబడుతోందని నిర్మాత బెల్లంకొండ సురేష్ చెప్పారు. ఈ సందర్భంగా శనివారం రామానాయుడు స్టూడియోలో కేక్ కట్ చేసిన అనంతరం మీడియాతో కాసేపు ముచ్చటించారు.