పవన్ ఫ్యాన్స్‌కు 'వెంకీ' బూస్టింగ్: సంక్రాంతికి 'అజ్ఞాతవాసి'లో కిర్రాక్ కామెడీ ట్రాక్(వీడియో)

సంక్రాంతికి 'వెంకీ సీన్స్':

వెంకీ సీన్స్ తొలగించి తప్పు చేశామనుకున్నారో.. మరేమో తెలియదు గానీ మొత్తానికి సినిమాలో మళ్లీ ఆ సీన్స్ చేర్చబోతున్నారు. ఈ విషయాన్ని చిత్ర యూనిట్ అధికారికంగా ప్రకటించింది. ప్రకటించడమే కాదు.. ఓ ఫన్నీ వీడియోను కూడా విడుదల చేసింది.

ఫన్నీ వీడియో:

'అజ్ఞాతవాసి' టీమ్ తాజాగా విడుదల చేసిన వీడియో అభిమానులను ఆకట్టుకునేలా ఉంది. వీడియోలో పవన్‌.. వెంకీని ఉద్దేశిస్తూ.. 'గురువు గారూ..' అని పిలుస్తారు. వెంటనే 'గారు అక్కర్లేదమ్మా.. గురువు చాలు' అంటూ తనదైన టైమింగ్‌తో ఫన్నీగా బదులిస్తాడు వెంకీ.

పవన్-వెంకీ కామెడీ ట్రాక్:

ఇక పవన్ 'నాకు కొంచెం తిక్కుంది..' అని డైలాగ్ అందుకోగానే.. మధ్యలో వెంకీ అందుకున్నారు. 'కానీ దానికో లెక్కుంది..' అంటూ ముగించారు. వీడియో చూస్తుంటే అభిమానులను ఆకట్టుకునే జోక్స్ ఇందులో చాలానే ఉన్నట్లున్నాయి.

వెంకీ గట్టెక్కిస్తాడా?

డివైడ్ టాక్ తో ఢీలా పడ్డ 'అజ్ఞాతవాసి'ని వెంకీ కామెడీ ట్రాక్ ఎంతమేర గట్టెక్కిస్తుందో చూడాలి. వెంకీ-పవన్ వీడియో అయితే రిలీజ్ చేశారు కానీ.. సినిమాలో వెంకీ సన్నివేశం ఎక్కడ చేరుస్తారనే దానిపై క్లారిటీ లేదు. ఏదేమైనా 'వెంకీ కామెడీ' తోడవుతుండటంతో 'అజ్ఞాతవాసి'పై అభిమానుల్లో కొంత ఉత్సాహం మొదలైంది.

ఓపెనింగ్స్ అదిరిపోయాయి:

డివైడ్ టాక్ వచ్చినప్పటికీ.. తొలి రోజు 'అజ్ఞాతవాసి' తెలుగు రాష్ట్రాల్లో రూ.29.36 కోట్ల షేర్ రాబట్టడం విశేషం. అలాగే ప్ర‌పంచ‌వ్యాప్తంగా రూ.39.2 కోట్ల షేర్‌ రాబట్టినట్లు ట్రేడ్ వర్గాలు చెబుతున్నాయి. బాహుబలి కాకుండా తొలిరోజు ఈ స్థాయిలో కలెక్షన్స్ వసూలు చేయడం ఈ సినిమాకే సాధ్యమైందంటున్నారు.