వెంకటేష్ కొత్త టైటిల్

వెంకటేష్, త్రిష కాంబినేషన్లో శ్రీనువైట్ల రూపొందించనున్న చిత్రానికి నమో వెంకటేశ అనే టైటిల్ పెట్టనున్నట్లు సమాచారం. పూర్తి స్ధాయి ఫన్ తో నడిచే ఈ చిత్రం వెంకటేష్ కి నచ్చి వెంటనే ఓకే చేసాడని తెలుస్తోంది. ప్రస్తుతం ఈనాడు (ఎ వెడ్నస్ డే రీమేక్)లో నటిస్తున్న వెంకటేష్..చింతకాయిల రవి చిత్రం తర్వాత గ్యాప్ వచ్చినట్లు భావిస్తున్నారు. అందులోనూ రవి కూడా ఊహించినంతగా ఆడకపోవటం కూడా నిరాశపరిచింది. దాంతో కథలపై కుస్తీ పట్టిన తర్వాతే షూటింగ్ కి వెళ్ధామని గ్యాప్ తీసుకున్నారు.

ఆ క్రమలో ఓ మూడు కథలు వరకూ ఓకే అయినట్లు తెలుస్తోంది. ఒకేసారి రెండు చిత్రాల్లో నటిస్తూ వెంకటేష్ ఈ గ్యాప్ ని ఫిలప్ చేయాలని చూస్తున్నారు. ఆడువారి మాటలకు అర్దాలే వేరులే వంటి ఫ్యామిలీ ఎంటర్టైనర్ కావాలని చెప్పి చేయించుకున్నట్లు తెలుస్తోంది. సురేష్ బాబు కూడా ఈ విషయంలో ప్రత్యేక శ్రధ్ద చూపించి సోదరునికి మంచి హిట్ ఇవ్వాలనే కృతనిశ్చయింతో ఉన్నట్లు చెప్తున్నారు. ఇక శ్రీను వైట్ల చిత్రాన్ని సుంకర అనీల్ కుమార్ నిర్మిస్తున్నారు. ఆపర్చునేట్ ఛానెల్ (A) పెట్టిన వీరు వరసగా సినిమాలు ప్లాన్ చేస్తున్న సంగితి తెలిసిందే.