సీటు కింద పడిపోయి నవ్వుతారు, మా కోబ్రో వెంకీ ఇరగదీశారు: వరుణ్ తేజ్

నేను సెట్లో ఒక హీరోలా ఎప్పుడూ ఉండను: వెంకీ

సెట్లో దర్శక నిర్మాతలతో నా రిలేషన్ షిప్ యూనిక్‌గా ఉంటుంది. ఒక హీరోలాగా ఎప్పుడూ అనుకోను. ఒక అసిస్టెంట్ డైరెక్టర్, ఆడియన్ మాదిరిగా కథ వింటాను. సినిమాలో ఏది బావుంది? ఏది బాగోలేదు అనేది దర్శకుడితో డిస్క్రస్ చేస్తూనే ఉంటా. దిల్ రాజుగారితో నేను కో ప్రొడ్యూసర్ మాదిరిగా, ప్రొడక్షన్ మేనేజర్ మాదిరిగా ఉంటాను. ఈ సినిమాలో అనిల్ నాతో చాలా డిఫరెంట్ ఎక్స్‌ప్రెషన్స్ ఇప్పించాడు. వరుణ్, రాజేంద్రప్రసాద్ గారితో పని చేయడం ఆనందంగా ఉందని వెంకటేష్ తెలిపారు.

నవ్వుకోవడానికి ఆయన సినిమాలే చూసేవాడిని

వరుణ్ తేజ్ మాట్లాడుతూ... అనిల్ రావిపూడి లాంటి హ్యాండ్సమ్, టాలెంటెడ్ డైరెక్టర్‌తో పని చేయడం హ్యాపీగా ఉంది. తొలిసారి ఇందులో మాస్, కామెడీ పాత్ర ట్రై చేశాను. దిల్ రాజుగారు, శిరీష్ గారు బాగా సపోర్ట్ ఇచ్చారు. నేను చిరంజీవిగారి సినిమాలు, బాబాయ్ గారి సినిమాలు చూస్తూనే ఉంటాను. నవ్వుకోవడానికి రాజేంద్రప్రసాద్ సినిమాలు చూసేవాడిని. ఆయన కామెడీ ఒకటే కాదు, సూపర్ వెర్సటైల్ యాక్టర్ అని తెలిపారు.

తమన్నా మా అందరి డార్లింగ్

నాకు సాంగ్ షూటింగ్ అంటే కాళ్లు షేకవుతాయి. తమన్నాడాన్స్ ఇరగదీస్తారని అందరికీ తెలుసు. ఒక చిన్న స్టెప్ ఇస్తే మేమంతా కూర్చుని మాట్లాడుకుంటాం. తను మాత్రం పక్కకు వెళ్లి ప్రాక్టీస్ చేస్తుంది. అంత డెడికేషన్ ఉంటుంది. తమన్నా వెంకీగారి డార్లింగ్ కాదు, మా అందరి డార్లింగ్ అని వరుణ్ తేజ్ వ్యాఖ్యానించారు.

సీట్లో నుంచి కిందపడి నవ్వుతారు

గతంలో వెంకీగారితో ‘ఇంట్లో ఇల్లాలు వంటింట్లో ప్రియురాలు', ‘వాసు' సినిమాల్లో చిన్న క్యారెక్టర్ వస్తే చేయలేక పోయాను. మూడో సారి ఎఫ్ 2 రూపంలో వెంకటేష్ గారితో కుదిరింది. ఆయన చాలా కంఫర్ట్ క్రియేట్ చేశారు. ఆయనతో మళ్లీ సినిమా చేసే అవకాశం వస్తే ఏమీ అడగకుండా ఓకే చెబుతాను. ఈ సినిమాలో సీటు కింద పడిపోయి నవ్వేంత నవ్వులు ఎన్నాయని వరుణ్ తేజ్ తెలిపారు.