మళ్ళీ త్రిషతో వెంకి రొమాన్స్

త్వరలోనే త్రిషతో వెంకటేష్ ఓ రొమాంటిక్ కామిడీలో నటించబోతున్నాడని సమాచారం. ఇంతకుముందు ఆడువారి మాటలకు అర్ధాలే వేరులే చిత్రంలో అలరించిన ఈ జంట త్వరలో మళ్ళీ వెండితెరను పలకరించనుండటం వెంకటేష్ అభిమానులను ఆనందపరిచే విషయం. ఇక ఈ కాంబినేషన్ ని ఈ సారి సెట్ చేసింది శ్రీను వైట్ల అని తెలుస్తోంది. తన కామెడీ మార్క్ కి వెంకటేష్ సాప్ట్ రొమాంటిక్ ఏంగిల్ ని కలిపి కథ తయారు చేసినట్లు చెప్తున్నారు.

అలాగే ఈ కథను ఢీ, రెడీ, కింగ్ చిత్రాల రచయిత కోనవెంకట్ పక్కాగా తీర్చిదిద్దారు. ఇక వెంకటేష్ తన ఈనాడు (ఎ వెడ్నస్ డే రీమేక్ )చిత్రం పూర్తి కాగానే ఈ షూటింగ్ లో పాల్గొననున్నారు. అయితే ఈ చిత్రాన్ని సురేష్ ప్రొడక్షన్స్ నిర్మిస్తుందా లేక వేరే వారు చేస్తారా అనేది తెలియాల్సి ఉంది. ఇక త్రిష ..శ్రీనువైట్లతో కింగ్ తర్వాత చేస్తున్న చిత్రం..అతను వర్క్ కల్చర్ తనకు బాగా నచ్చుతుందని అందుకే చేస్తున్నానని చెప్తోంది.