నితిన్ భార్య బర్త్ డే వేడుకలు.. పార్టీలో డైరెక్టర్, కమెడియన్‌ల సందడి

క్రేజీ ఫోటోతో విషెస్..

నా అందమైన భార్యకు హ్యాపీ బర్త్ డే. నా జీవితంలో నీతో గడిపిన రోజులే ఎంతో సంతోషమైనవి.. జీవితాంతం ప్రేమిస్తూనే ఉంటాను.. నీతో ప్రేమలోనే ఉంటాను అంటూ క్రేజీ ఫోటోను షేర్ చేశాడు. ప్రస్తుతం నితిన్ షేర్ చేసిన ఫోటో తెగ వైరల్ అవుతోంది.

భీష్మ టీం..

నితిన్ తన భార్య బర్త్ డే వేడుకలకు తన ఫ్రెండ్స్ అయిన భీష్మ టీం మేట్స్‌ను ఆహ్వానించాడు. వెన్నెల కిషోర్, వెంకీ కుడుముల బర్త్ డే ఈవెంట్‌లో రచ్చ చేశారు. నితిన్ షాలిని వెన్నెల కిషోర్, వెంకీ కుడుముల కలిసి పార్టీలో తెగ సందడి చేసినట్టు తెలుస్తోంది.

స్పెషల్ విషెస్..

శాలినికి వెన్నెల కిషోర్ ప్రత్యేకంగా విషెస్ తెలిపాడు. నాకు తెలిసిన స్వీటెస్ట్ పర్సన్ షాలినీకి హ్యాపీ బర్త్ డే అని చెప్పుకొచ్చాడు.. ప్రపంచంలోని సంతోషం మంతా నీకే చెందాలంటూ విషెస్ అందించాడు. మొత్తానికి ఇలా భీష్మ టైంలోనే ఇంకా చాలా క్లోజ్ అయినట్టున్నారు.

దుబాయ్‌లో రచ్చ..

ఈ మధ్యే నితిన్ తన భార్యను దుబాయ్‌కు తీసుకెళ్లాడు. రంగ్ దే, అంధాదున్ షూటింగ్ కోసం దుబాయ్‌కి వెళ్లిన నితిన్ తన సతీమణిని కూడా వెంట తీసుకెళ్లాడు. ఓ వైపు షూటింగ్‌లు, మరో వైపు భార్యతో కలిసి నితిన్ దుబాయ్ వీధుల్లో రచ్చ రచ్చ చేశాడు.

బిజిబిజీగా..

నితిన్ ప్రస్తుతం వరుస చిత్రాలతో బిజీగా ఉన్నాడు. మొదటగా రంగ్ దే సినిమాను పూర్తి చేసే పనిలో పడ్డాడు. ఆపై చెక్ చిత్రాన్ని ఫినిష్ చేసి.. అంధాదున్ మూవీని పని పట్టేలా ఉన్నాడు. ఇక నితిన్ ఈ మూడు ప్రాజెక్ట్‌ల తరువాత కొత్త సినిమాను అనౌన్స్ చేసే చాన్స్ ఉంది.