For Quick Alerts
    ALLOW NOTIFICATIONS  
    For Daily Alerts

    'కెమెరామేన్ గంగతో..' పై వెన్నెల కిషోర్ కామెంట్

    By Srikanya
    |

    హైదరాబాద్: పవన్‌ కళ్యాణ్ హీరోగా పూరి జగన్నాథ్ దర్శకత్వంలో యూనివర్సల్ మీడియా పతాకంపై డి.వి.వి. దానయ్య నిర్మిస్తున్న చిత్రం 'కెమెరామేన్ గంగతో రాంబాబు'. ఈ రోజు(గురువారం)విడుదల అవుతున్న ఈ చిత్రం పై హాస్య నటుడు మరియు రీసెంట్ గా దర్శకుడు గా మారిన వెన్నెల కిషోర్ తన దైన శైలిలో ట్విట్టర్ లో కామెంట్ చేసారు. ఆ ట్వీట్ ఏమిటంటే... ' మూవీ ప్లాప్ అయినా హిట్ అయినా పేపర్స్ అదే రేంజిలో ఎగురుతాయి,విజిల్స్ అదే రేంజిలో పడతాయి,నెక్స్ట్ సినిమాకి అదే రేంజిలో ప్లాన్స్ వుంటాయి, పవర్ స్టార్ మూవీ రిలీజ్ అనేది ఓ పెద్ద ఈవెంట్' అన్నారు. పవన్ కళ్యాణ్ కి వీరాభిమాని అయిన వెన్నెల కిషోర్ ..ట్విట్టర్ లో ఓ మిత్రుడు ఈ చిత్రం ప్లాప్ అవుతుంది అంటే ఇలా స్పందించి తన అభిమానం చాటుకున్నాడు.

    ఇక వెన్నెల కిషోర్ ఆ మధ్యన దర్శకుడుగా మారి 'వెన్నెల వన్‌ అండ్‌ హాఫ్‌' అనే చిత్రం రూపొందించిన సంగతి తెలిసిందే. అయితే ఈ చిత్రం భాక్సాఫీస్ వద్ద డిజాస్టర్ టాక్ తెచ్చుకుంది. దాంతో అతను పూర్తిగా నటన మీద దృష్టి పెట్టినట్లు సమాచారం. అందులో భాగంగా కిషోర్ కామిడీ హీరోగా ఎంట్రీ ఇస్తున్నాడు. ఆ చిత్రం పేరు 'అతడు... ఆమె... ఓ స్కూటర్'.గంగారపు లక్ష్మణ్ దర్శకత్వంలో పిరమిడ్ క్రియేషన్స్ పతాకంపై అమరేంద్రరెడ్డి ఈ చిత్రాన్ని నిర్మిస్తున్నారు.

    వెన్నెల కిశోర్, ప్రియాంక చాబ్రా జంటగా నటిస్తున్న చిత్రం 'అతడు.. ఆమె.. ఓ స్కూటర్'. పిరమిడ్ క్రియేషన్స్ పతాకంపై అమరేంద్రరెడ్డి నిర్మిస్తున్నారు. గంగారపు లక్ష్మణ్ దర్శకునిగా పరిచయమవుతున్నారు. చిన్నికృష్ణ సంగీతం అందిస్తున్నారు. ఈ సినిమా షూటింగ్ ప్రస్తుతం రామానాయుడు స్టూడియోస్‌లో జరుగుతోంది. మంగళవారం సాయంత్రం అక్కడ ఏర్పాటు చేసిన సమావేశంలో దర్శకుడు లక్ష్మణ్ మాట్లాడుతూ "రాజేశ్ ఖన్నా కాలం నాటి పద్ధతులు గల ఓ యువకుడు పెళ్లి చేసుకునే క్రమంలో అతనికి ఎదురైన అనుభవాల్ని వినోదాత్మకంగా చూపిస్తూ ఈ చిత్రాన్ని రూపొందిస్తున్నాం. ఆ పాత్రలో వెన్నెల కిశోర్ సరిగ్గా సరిపోయారు. ప్రస్తుతం రెండో షెడ్యూల్ జరుగుతోంది. విజయదశమి నుంచి పాటల్ని చిత్రీకరిస్తాం'' అని చెప్పారు.

    మరో ప్రక్క వెన్నెల కిషోర్....స్టార్ కమిడెయిన్ బ్రహ్మానందం తో జప్పా టైటిల్ తో ఓ తెలుగు చిత్రం చేస్తున్న సంగతి తెలిసిందే. ఈ ట్రైలర్ లో బ్రహ్మానందం..సంకెళ్లతో ఓ పోలీస్ అధికారి పట్టుకుని ఉంటాడు. అతన్ని నీ పేరేంటి అని అడుగుతాడు. ఎదురుగా ఉన్న బ్రహ్మానందం చెప్పడు. ఇరిటేషన్ తో ఆ పోలీస్ అధికారి..నీ పేరేంటిరా జప్పా అని అరుస్తాడు. అప్పుడు బ్రహ్మానదం..నా పేరు అదే అని కూల్ గా చెప్పుతాడు. ఆ తర్వాత బ్రహ్మానందం మర్డర్ చేయలేదు,రేప్ చేయలేదు,కిడ్నాప్ చేయలేదు అయినా మోస్ట్ వాంటెడ్ అని వస్తుంది. త్వరలోనే దొరుకుతాడు అనే టైటిల్ కార్డుతో ఈ ట్రైలర్ ముగుస్తుంది.

    English summary
    Comedian Vennela Kishore tweeted...‘Movie flop ayina hit ayina papers adey range lo eguruthayi, whistles adey range lo padathayi, next cinemaki adey range lo plans vuntayi. Powerstar movie release is a euphoric event’, concluded Kishore.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X